रत्नागिरी, 9 ऑक्टोबर, (हिं. स.) : जिल्हा परिषद आणि पंचायत समित्यांमधील जागांच्या आरक्षणाची सोडत येत्या सोमवारी, दि. १३ ऑक्टोबर रोजी रत्नागिरीत होणार आहे.

चक्रानुक्रमानुसार जिल्हा परिषद व पंचायत समिती क्षेत्रात सभा घेऊन अनुसूचित जाती/अनुसूचित जमाती/नागरिकांचा मागासवर्ग प्रवर्ग व त्यामधील स्त्रियांसाठी राखून ठेवावयाच्या जागा आणि सर्वसाधारण स्त्रियांसाठी राखून ठेवावयाच्या जागा आरक्षणाद्वारे निश्चित करावयाच्या आहेत. त्याकरिता सोडत काढण्याकरिता १३ ऑक्टोबर रोजी सकाळी ११ वाजता जिल्हा परिषद व सर्व पंचायत समितीमध्ये खाली दर्शविल्याप्रमाणे विशेष सभा आयोजित केली आहे.

त्याचा तपशील असा - जिल्हा परिषद रत्नागिरी-जिल्हा नियोजन समिती सभागृह, रत्नागिरी तहसील कार्यालय इमारत जिल्हाधिकारी कार्यालय आवार. मंडणगड पंचायत समिती-डॉ.बाबासाहेब आंबेडकर सभागृह, मंडणगड. दापोली पंचायत समिती-नवभारत छत्रालय, शिंदे सभागृह दापोली. खेड पंचायत समिती -श्री काळकाई मंदिर सभागृह पहिला मजला, भरणे नाका, खेड. चिपळूण पंचायत समिती-छत्रपती शिवाजी महाराज सभागृह, पंचायत समिती चिपळूण. गुहागर पंचायत समिती-पंचायत समिती सभागृह, पंचायत समिती कार्यालय, गुहागर. रत्नागिरी पंचायत समिती-शामराव पेजे सभागृह, जिल्हा परिषद रत्नागिरी. संगमेश्वर पंचायत समिती-छत्रपती संभाजी महाराज सभागृह, पंचायत समिती संगमेश्वर (देवरुख). लांजा पंचायत समिती-तहसीलदार कार्यालय सभागृह लांजा. राजापूर पंचायत समिती-छत्रपती शिवाजी महाराज नाट्यगृह, नगर परिषद राजापूर, मुंबई गोवा महामार्ग नजीक, राजापूर.

जिल्हा परिषद अथवा पंचायत समितीतील ज्या रहिवाशांची या सभेस हजर राहण्याची इच्छा आहे, त्यांनी वरील ठिकाणी व वेळी हजर राहावे, असे आवाहन जिल्हाधिका्ऱ्यांनी केले आहे.

---------------

हिंदुस्थान समाचार / रत्नागिरी