बंगळुरु, १७ नोव्हेंबर (हिं.स.). भारतीय पुरुष हॉकी संघ बंगळुरूच्या केम्पेगौडा आंतरराष्ट्रीय विमानतळावरून मलेशियातील इपोहला रवाना झाला. संघ २३ ते ३० नोव्हेंबर दरम्यान होणाऱ्या ३१ व्या सुलतान अझलन शाह कप २०२५ मध्ये सहभागी होणार आहे.

सुलतान अझलन शाह कप हा जागतिक हॉकीमधील सर्वात प्रतिष्ठित आमंत्रण स्पर्धांपैकी एक मानला जातो. जो संघांना उच्च-स्तरीय प्रतिस्पर्ध्यांशी स्पर्धा करण्यासाठी एक मौल्यवान व्यासपीठ प्रदान करतो. २३ नोव्हेंबर रोजी भारताचा पहिला सामना कोरियाशी होईल. त्यानंतर राउंड-रॉबिन टप्प्यात बेल्जियम, यजमान मलेशिया, न्यूझीलंड आणि कॅनडा यांच्याविरुद्ध सामने होतील. लीग टप्प्याच्या शेवटी अव्वल दोन संघ ३० नोव्हेंबर रोजी अंतिम फेरीत पोहोचतील.

गेल्या काही आठवड्यांपासून, भारतीय संघ बंगळुरूमध्ये प्रशिक्षण घेत आहेब. बचावपटू संजयच्या नेतृत्वाखाली रणनीतिक फिटनेस, सुव्यवस्थित खेळ आणि इष्टतम संयोजनांवर लक्ष केंद्रित करत आहे. या स्पर्धेत संजय संघाचे नेतृत्व करेल. संघ आत्मविश्वासाने आणि व्यापक तयारीनंतर सुनियोजित रणनीतीने स्पर्धेत प्रवेश करत आहे.

हॉकी इंडियाने जारी केलेल्या निवेदनात, कर्णधार संजयने आत्मविश्वास व्यक्त केला की, आम्ही सुलतान अझलन शाह कपची आतुरतेने वाट पाहत आहोत. संघाने गेल्या काही आठवड्यांपासून रणनीतिक शिस्त आणि तंदुरुस्तीवर लक्ष केंद्रित करून कठोर परिश्रम केले आहेत. ही स्पर्धा नेहमीच एक अत्यंत स्पर्धात्मक वातावरण आणि मजबूत आंतरराष्ट्रीय प्रतिस्पर्ध्यांविरुद्ध स्वतःची चाचणी घेण्याची संधी प्रदान करते. आम्ही प्रत्येक सामन्यात आमचे सर्वोत्तम देण्यासाठी तयार आणि प्रेरित आहोत आणि आमचे ध्येय सातत्य राखणे आणि विजेतेपदासाठी आव्हान देणे आहे.

संघाच्या मानसिकतेबद्दल बोलताना तो म्हणाला, गटात प्रचंड ऊर्जा आहे. प्रत्येकजण त्यांची भूमिका समजून घेतो आणि अशा महत्त्वाच्या व्यासपीठावर भारताचे प्रतिनिधित्व करण्यास आम्ही उत्सुक आहोत.

---------------

हिंदुस्थान समाचार / वृषाली देशपांडे