ग्राहकांच्या आठवणींना मिळाला उजाळा

नागपूर, 04 नोव्हेंबर (हिं.स.) : भारतीय ग्राहकांच्या दैनंदिन जीवनाचा अविभाज्य भाग बनलेला अमृतांजन हेल्थकेअरचा पिवळा बाम आता पुन्हा आपल्या जुन्या, क्लासिक काचेच्या बाटलीतील पॅकेजिंगमध्ये बाजारात परतला आहे. १३० वर्षांहून अधिक काळ भारतीय घराघरांत असलेला हा बाम आता ग्राहकांसाठी अधिक आकर्षक स्वरूपात आणि २५ टक्के अतिरिक्त बामसह उपलब्ध झाला आहे.

अमृतांजन हेल्थकेअर लिमिटेडने जाहीर केले की, या पुनर्प्रस्तुतीमुळे ग्राहकांना केवळ जुने आकर्षक पॅकेजिंगच नव्हे तर अधिक आरामदायी अनुभव मिळेल. कंपनीच्या मते, हा निर्णय ग्राहकांच्या आठवणींना आणि नात्यांना पुन्हा उजाळा देणारा ठरेल.पिढ्यानपिढ्या भारतीयांच्या जीवनात स्थान मिळवलेला हा बाम आता नव्या मोहिमेसह सादर करण्यात आला आहे. बाजारात परत येताना, अमृतांजनने दोन नवीन जाहिराती तयार केल्या आहेत ज्यात वेदनाशमनानंतरचे “आरामाचे आणि आनंदाचे क्षण” अधोरेखित केले आहेत. या मोहिमेद्वारे कंपनीने संदेश दिला आहे की, अमृतांजनचा बाम हे केवळ औषध नाही, तर प्रत्येक घराचे विश्वासार्ह साथीदार आहे.

अमृतांजन हेल्थकेअर लिमिटेडचे अध्यक्ष आणि व्यवस्थापकीय संचालक एस. संभू म्हणाले की,१८९३ मध्ये बाजारात आलेल्या अमृतांजन बामवर आजही लाखो भारतीयांचा विश्वास कायम आहे. आम्ही ग्राहकांच्या अपेक्षांची पूर्तता करताना, पर्यावरणपूरक पॅकेजिंग आणि जास्त प्रमाणात उत्पादन देण्यावर भर दिला आहे. हा बाम आमच्या १३० वर्षांच्या अविरत वचनबद्धतेचे प्रतीक असल्याचे त्यांनी सांगितले. तर कंपनीचे मुख्य मार्केटिंग अधिकारी मणी भगवतीश्वरन यांनी सांगितले की, अमृतांजनचा पिवळा बाम हे केवळ औषध नाही, तर प्रत्येक कुटुंबाच्या आठवणींशी जोडलेले प्रतीक आहे. काचेच्या बाटलीतील पुनर्प्रस्तुती हा आमच्यासाठी जबाबदारीचा आणि भावनिक निर्णय होता. आम्हाला विश्वास आहे की नव्या पिढ्यांनाही हा बाम तितकाच प्रिय ठरेल.

भविष्यातील दृष्टीकोन

अमृतांजन हेल्थकेअरने सांगितले की, “ग्राहकांच्या वेदनाशमनाची आणि आरामाची परंपरा” पुढेही कायम राहील. पिवळ्या बामच्या नव्या अवताराने जुन्या आठवणींना नवी झळाळी मिळाली असून, ब्रँडने पुन्हा एकदा आपले स्थान भारतीय बाजारपेठेत दृढ केले आहे.

----------------------

हिंदुस्थान समाचार / मनीष कुलकर्णी