पुणे, 7 नोव्हेंबर, (हिं.स.)। कात्रज घाट परिसर हा सार्वजनिक बांधकाम विभाग, महापालिका आणि वनविभाग अशा तीन खात्यांच्या अखत्यारित येतो. त्यांच्यातील हद्दीच्या वादामुळे आणि काम नेमके कोणी करायचे, अशा प्रश्नांमुळे आवश्यक ठिकाणी पथदिवे, सीसीटीव्ही कॅमेरे न बसविल्याने वाहनचालक, प्रवाशांसाठी हा घाट अद्याप असुरक्षितच आहे.पुण्याहून सातारामार्गे कोल्हापूर, सांगली, बंगळूरकडे जाणाऱ्या किंवा घाट ओलांडून खेड-शिवापूर, शिरवळकडे जाणाऱ्या वाहनचालकांसाठी कात्रज घाट सोयीचा ठरतो. मात्र, रात्रीच्या वेळी हा घाट निर्जन आणि धोकादायक बनतो. परिसरात मध्यरात्री तरुण-तरुणींचा मुक्त वावर असतो. भारती विद्यापीठ पोलिसांनी घाटात मध्यरात्री फिरण्यास आलेल्या अनेकांना समज दिल्याचेही सांगण्यात येते.

---------------

हिंदुस्थान समाचार / भूषण राजगुरु