सोलापूर, 10 डिसेंबर, (हिं.स.)। सोलापूर शहरामध्ये सर्वत्र शांतता आणि सार्वजनिक सुरक्षितता राखण्यासाठी ११ डिसेंबर २०२५ राजी ००.०१ वाजलेपासून ते २५ डिसेंबर २०२५ रोजी रात्री २४. ०० या कालावधीत सोलापूर शहर हद्दीमध्ये महाराष्ट्र पोलीस अधिनियम कलम ३७ (१) (२) अन्वये मनाई आदेश लागू करण्यात आलेले आहेत. पोलीस उप आयुक्त (गुन्हे/विशा) डॉ. अश्विनी पाटील यांनीयाबाबतचे आदेश जारी केले आहेत.

या आदेशानुसार शस्त्रे, अग्निशस्त्रे, बॅटन, तलवारी, भाले, दंडुके, सोटे, विना परवाना बंदुका, चाकु, काठ्या किंवा लाठ्धा किंवा इतर कोणतीही वस्तू जी शारिरीक हानी (हिंसा) करण्यासाठी वापरली जाऊ शकते अशी हत्यारे बाळगणे ज्या अधिका-याने परवाना दिला असेल किंवा सक्षम प्राधिका-याकडुन अशी शस्त्रे वाहून नेण्यासाठी विशिष्ट परवानगी मागितली असेल अशा बंदुकासाठी वगळता.

कोणताही पदार्थ किंवा स्फोटके वाहून नेणे, दगड किंवा इतर क्षेपणास्त्रे किंवा उपकरणे किंवा क्षेपणास्त्रे टाकण्याची किंवा प्रक्षेपित करण्याची साधने, वाहून नेणे, गोळा करणे आणि तयार करणे. व्यक्ती किंवा प्रेत किया आकृती किंवा पुतळे यांचे प्रदर्शन, सार्वजनिक टिकाकरण उच्चार गाणी गाणे संगीत वाजवणे, सोलापूर शहरात तैनात असलेल्या कोणत्याही पोलीस अधिका-याच्या मते शालीनता किंवा शिष्टाचाराच्या विरोधात असणारी चित्रे चिन्हे फलक किवा इतर कोणतीही वस्तू किंवा वस्तू तयार करणे प्रदर्शन करणे किंवा प्रसारीत करणे जेणे करून सामाजिक नैतिकता किंवा सुरक्षा धोक्यात येईल किंवा राज्य उलथुन टाकणेस कारणीभुत ठरु शकेल. जर कोणतीही व्यक्ती अशा कोणत्याही वस्तूसह सशस्त्र जात असेल किंवा अशा प्रतिबंधाचे उल्लंघन करत कोणताही उपरोधक पदार्थ किंवा स्फोटक किंवा क्षेपणास्त्र घेवून जात असेल तर तो/ती कोणत्याही पोलीस अधिका-या मार्फत निशस्त्र होण्यास जबाबदार असेल किंवा त्याच्याकडून संक्षारक पदार्थ किंवा स्फोटक किंवा क्षेपणास्त्र जप्त करण्यास जबाबदार असेल त्यांचे कडील जप्त केलेली वस्तू उपरोधिक पदार्थ स्फोटक किंवा क्षेपणास्त्र राज्य सरकारकडे जमा करणेत येईल.

हा आदेश कोणत्याही सरकारी किंवा सरकारी उपक्रमाच्या सेवेत किंवा नोकरीत असलेल्या कोणत्याही व्यक्तीला त्याच्या वरिष्ठांना किंवा त्याच्या कर्तव्याच्या स्वरपानुसार शस्त्रे बाळगण्यासाठी लागु होणार नाही हा आदेश खाजगी सुरक्षा रक्षक किंवा गुरखा किंवा चौकीदार इत्यादीना लागु होणार नाही. जे साडेतीन फुट लांबीपर्यंतच्या लाठ्या बाळगत आहेत असे आदेशात नमूद करण्यात आले आहे.

---------------

हिंदुस्थान समाचार / यशपाल गायकवाड