पणजी, 19 डिसेंबर (हिं.स.) : बाजारातील तीव्र चढ-उतार, उत्पन्नातील असमान सुधारणा आणि वाढलेल्या जागतिक अनिश्चिततेच्या पार्श्वभूमीवर, ग्रो मल्टीकॅप फंडाने मल्टी-कॅप श्रेणीत आघाडीचा पर्याय म्हणून आपले पहिले वर्ष यशस्वीपणे पूर्ण केले आहे.

गेल्या एका वर्षात प्रमुख इक्विटी निर्देशांकांनी माफक परतावा दिला. निफ्टी 50 मध्ये 4.83 टक्के वाढ झाली, तर निफ्टी 500 मध्ये केवळ 0.93 टक्के वाढ नोंदवली गेली. मार्केट-कॅपनुसार पाहता, निफ्टी मिडकॅप 100 मध्ये 0.45 टक्के वाढ झाली, तर निफ्टी स्मॉलकॅप 250 मध्ये 10.99 टक्के घट झाली.

या आव्हानात्मक वातावरणात, ग्रो मल्टीकॅप फंडाने आपल्या बेंचमार्क निफ्टी 500 मल्टीकॅप 50:25:25 निर्देशांकाच्या (+0.29 टक्के) तुलनेत लक्षणीय कामगिरी करत एक वर्षात 8.01टक्के परतावा दिला. वर्षाच्या सुरुवातीपासून (YTD) हा फंड 8.62 टक्के परताव्यासह मल्टी-कॅप श्रेणीत अव्वल स्थानी राहिला आहे. फंडाचे पहिले वर्ष आरबीआयच्या व्याजदर कपातीचे चक्र, अमेरिकेच्या शुल्कविषयक घोषणा, भारतीय निर्यातीवरील अतिरिक्त शुल्क, तसेच वाढती भू-राजकीय अनिश्चितता अशा अनेक जागतिक आणि देशांतर्गत घडामोडींनी व्यापलेले होते. या सर्व घटकांचा सामना करत, ग्रो मल्टीकॅप फंड विविध निरीक्षण कालावधींमध्ये मल्टी-कॅप श्रेणीत सातत्याने अव्वल 25 टक्के फंडांमध्ये राहिला.

पोर्टफोलिओच्या दृष्टीने, हा फंड भारतीय अर्थव्यवस्थेतील निवडक संरचनात्मक संधींवर लक्ष केंद्रित करतो. यामध्ये प्रीमियम उत्पादनांची वाढ, भांडवली खर्च आणि पायाभूत सुविधा तसेच वित्तीयकरण यांसारख्या क्षेत्रांचा समावेश आहे. ऑटोमोबाईल, भांडवली वस्तू आणि पायाभूत सुविधा क्षेत्रातील शेअर्स, तसेच निवडक बँका, विमा कंपन्या आणि गैर-बँकिंग वित्तीय संस्थांमधील गुंतवणुकीद्वारे ही रणनीती राबवली जाते. दुसऱ्या वर्षात पदार्पण करताना, ग्रो मल्टीकॅप फंड सर्व मार्केट कॅपिटलायझेशनमधील उच्च-गुणवत्तेच्या संधी ओळखण्यावर भर देत, शिस्तबद्ध आणि मूल्याधिष्ठित गुंतवणूक धोरणाद्वारे भारताच्या दीर्घकालीन आर्थिक वाढीत सहभागी होण्याचे उद्दिष्ट ठेवत आहे. हा फंड अनुपम तिवारी आणि सप्तर्षी चॅटर्जी यांच्या व्यवस्थापनाखाली चालवला जात आहे.

---------------------------

हिंदुस्थान समाचार / मनीष कुलकर्णी