मुंबई, 19 डिसेंबर (हिं.स.)। गोदरेज एंटरप्रायझेस ग्रुपचा भाग असलेल्या गोदरेज लॉक्स अँड आर्किटेक्चरल सोल्युशन्सने जिओ वर्ल्ड कन्व्हेन्शन सेंटर येथे 19 व 20 डिसेंबर रोजी होत असलेल्या फेस्टिव्हल ऑफ आर्किटेक्चर अँड इंटिरिअर डिझायनिंग (एफओएआयडी) मुंबई 2025 मध्ये आपल्या लाइफस्टाइल-आधारित आर्किटेक्चरल फिटिंग नवकल्पनांचे सादरीकरण केले आहे. भारतातील आर्किटेक्चर आणि इंटिरिअर डिझाइन क्षेत्रातील महत्त्वपूर्ण व्यासपीठ असलेल्या या महोत्सवात आघाडीचे आर्किटेक्ट्स, डिझायनर्स आणि लाइफस्टाइल क्षेत्रातील तज्ज्ञ सहभागी झाले आहेत.

एफओएआयडी 2025 च्या या आवृत्तीत गोदरेजने आधुनिक घरे आणि व्यावसायिक जागांसाठी उपयुक्त ठरणाऱ्या, दैनंदिन जीवन अधिक सुलभ करणाऱ्या आर्किटेक्चरल फिटिंग सोल्युशन्सचे विचारपूर्वक क्युरेट केलेले प्रदर्शन मांडले आहे. हालचाल, स्पर्श, आराम आणि जागेचा कार्यक्षम वापर या घटकांचा समन्वय साधत निवासी व व्यावसायिक परिसरातील अनुभव कसा अधिक समृद्ध होऊ शकतो, हे या सादरीकरणातून अधोरेखित करण्यात आले आहे.

या प्रदर्शनात एचडीएच सिस्टिम्स, मर्फी बेड सोल्युशन्स, हिकिडो इनलाइन स्लायडिंग सिस्टिम्स, स्किडो सोल्युशन्स यांसह विविध आधुनिक आर्किटेक्चरल उपायांचा समावेश आहे. तसेच निओ लक्झरी, युरो मॉडर्न, अर्बन शीक आणि स्मार्ट एथनिक या चार डिझाइन थीम्समध्ये उपलब्ध असलेले हँडल्स दरवाजे व फर्निचरला आकर्षक आणि सुसंस्कृत रूप देतात. आधुनिक होमकेअर आणि वेलनेस गरजांसाठी मोटराइज्ड अ‍ॅडजस्टेबिलिटीसह एर्गोनॉमिक इलेक्ट्रिक बेड सोल्युशनही येथे सादर करण्यात आले आहे.

यासोबतच, अ‍ॅडव्हान्टिस आयओटी9, अ‍ॅडव्हान्टिस जीएसएल डी1, कॅटस कनेक्ट आणि नवी निओ सिरीज यांसारख्या डिजिटल लॉक सोल्युशन्सद्वारे गोदरेजने डिझाइन-केंद्रित आणि लाइफस्टाइल-आधारित गृहसुरक्षेवर आपले लक्ष केंद्रित केले आहे.

या सहभागाविषयी गोदरेज लॉक्स अँड आर्किटेक्चरल सोल्युशन्सचे बिझनेस हेड श्याम मोटवानी यांनी सांगितले की, एफओएआयडी मुंबई 2025 हे आर्किटेक्ट्स आणि डिझायनर्सशी संवाद साधण्यासाठी महत्त्वाचे व्यासपीठ असून, आज आर्किटेक्चरल फिटिंग्स केवळ कार्यक्षमतेपुरत्या मर्यादित न राहता दैनंदिन जीवनाचा अविभाज्य भाग बनत आहेत. कार्यक्षमता, आराम आणि सौंदर्य यांचा समतोल साधणारे हे सोल्युशन्स आधुनिक जीवनशैलीत सहज समरस होण्यासाठी डिझाइन करण्यात आले असल्याचे त्यांनी नमूद केले.

---------------

हिंदुस्थान समाचार / Suraj Chaugule