
छत्रपती संभाजीनगर, 19 डिसेंबर (हिं.स.)।
राज्याचे दुग्धविकास मंत्री अतुल सावे यांच्या हस्ते छत्रपती संभाजी नगर येथील व्यवसाय, उद्योग आणि उद्योजकतेला नवी दिशा देणारा महाराष्ट्र ट्रेड फेअर उद्घाटन समारंभ संपन्न झाला. उद्योजकांना व्यासपीठ मिळवून देत नव्या संधींचे दरवाजे या निमित्ताने खुले होतील असे त्यांनी सांगितले.
महाराष्ट्र प्रदेश माहेश्वरी सभा, छत्रपती संभाजीनगर जिल्हा माहेश्वरी सभा आणि श्री महेश वरिष्ठ नागरिक संस्था यांच्या संयुक्त विद्यमाने या ट्रेड फेअरचे आयोजन करण्यात आले होते.
व्यापार वृद्धी, स्थानिक उद्योगांना चालना देण्याच्या उद्देशाने आयोजित करण्यात आलेला हा फेअर उद्योजक, व्यापारी आणि नागरिकांसाठी महत्त्वपूर्ण ठरेल असे मत त्यांनी व्यक्त केले
---------------
हिंदुस्थान समाचार / Hanumant Madanrao Chitnis