नवी दिल्ली, 30 सप्टेंबर (हिं.स.)भारताविरुद्धच्या कसोटी मालिकेपूर्वी वेस्ट इंडिजला आणखी एक धक्का बसला आहे. शमार जोसेफनंतर वेगवान गोलंदाज अल्झारी जोसेफलाही दुखापतीमुळे बाहेर पडला आहे. अल्झारीच्या जागी जेडिया ब्लेड्सचा संघात समावेश करण्यात आला आहे.

क्रिकेट वेस्ट इंडिजने जाहीर केले की, अल्झारी जोसेफला पाठीच्या दुखापतीमुळे खेळू शकणार नाही. वैद्यकीय अहवालातून असे दिसून आले आहे की, त्याची मागील दुखापत पुन्हा दिसून आली आहे. युएईमध्ये नेपाळविरुद्धच्या टी-२० मालिकेत खेळणारा माजी कर्णधार जेसन होल्डरला कसोटी संघात सामील होण्यास सांगण्यात आले होते. पण त्याने वैद्यकीय कारणांमुळे भारतात जाण्यास नकार दिला.

वेस्ट इंडिजने पुन्हा एकदा अल्झारीच्या जागी २३ वर्षीय वेगवान गोलंदाज जडेया ब्लेड्सचा संघात समावेश केला आहे. ब्लेड्स सध्या यूएईमध्ये आहे. तिसऱ्या टी-२० नंतर भारतात परतणार आहे. ब्लेड्सने अद्याप कसोटी पदार्पण केलेले नाही. पण त्याने तीन एकदिवसीय आणि चार टी-२० सामने खेळले आहेत. त्याच्या १३ प्रथम श्रेणी सामन्यांमध्ये त्याने ३५.९१ च्या सरासरीने ३५ विकेट्स घेतल्या आहेत.अल्झारी आणि शमार जोसेफला झालेल्या दुखापतींमुळे वेस्ट इंडिजचा वेगवान हल्ला कमकुवत झाला आहे. गेल्या आठवड्यात, शमारच्या जागी वेगवान गोलंदाज अष्टपैलू जोहान लिनची निवड झाली. यामुळे संघात १० पेक्षा जास्त कसोटी सामने खेळणारा जेडेन सील्स हा एकमेव अनुभवी वेगवान गोलंदाज आहे.

---------------

हिंदुस्थान समाचार / वृषाली देशपांडे