मुंबई, 30 सप्टेंबर (हिं.स.)। मुंबईहून दिल्लीला जाणाऱ्या इंडिगोच्या फ्लाईट 6ई 762 ला मंगळवारी सकाळी बॉम्बची धमकी मिळाल्याची माहिती सूत्रांनी दिली. या विमानात सुमारे 200 प्रवासी होते. सुरक्षा एजन्सींनी तपास केला असता, कोणताही विशिष्ट धोका आढळलेला नाही.

दिल्ली विमानतळावर विमानासाठी पूर्ण आणीबाणी जाहीर करण्यात आली होती. Flightradar24.com च्या फ्लाइट ट्रॅकिंग नुसार, एअरबस ए321 निओ विमानाने चालवलेले हे विमान सकाळी 7.53 वाजता सुरक्षितपणे उतरले.इंडिगोच्या प्रवक्त्याने या घटनेवर प्रतिक्रिया देताना सांगितले, 30 सप्टेंबर 2025 रोजी मुंबईहून दिल्लीला जाणाऱ्या इंडिगोच्या फ्लाईट 6E 762 मध्ये सुरक्षेचा धोका आढळून आला. आम्ही स्थापित प्रोटोकॉलचे पालन करून ताबडतोब संबंधित अधिकाऱ्यांना माहिती दिली आणि विमानाला ऑपरेशनसाठी परवानगी देण्यापूर्वी आवश्यक सुरक्षा तपासणी करण्यात पूर्ण सहकार्य केले. सध्या प्रवाशांसह विमान दल सुरक्षित असून, पुढील तपास सुरू आहे.

---------------

हिंदुस्थान समाचार / Suraj Chaugule