मुंबई, 11 जानेवारी (हिं.स.)। सोमवार म्हणजे 12 जानेवारीपासून सुरू होणाऱ्या आगामी आठवड्यात प्रायमरी मार्केटमध्ये सहा कंपन्या आपले आयपीओ लॉन्च करणार आहेत. यापैकी अमागी मीडिया लॅब्सचा आयपीओ मेनबोर्ड सेगमेंटमधील असून उर्वरित पाच आयपीओ एसएमई सेगमेंटमधील आहेत. या नवीन लॉन्चिंग व्यतिरिक्त मागील आठवड्यात सब्स्क्रिप्शनसाठी खुले झालेले दोन आयपीओमध्येही या आठवड्यात 13 जानेवारीपर्यंत गुंतवणूकदार बोली लावू शकतील. यात भारत कोकिंग कोल लिमिटेडच्या आयपीओचाही समावेश आहे. नवीन लिस्टिंगच्या दृष्टीने पाहिले तर या आठवड्यात पाच कंपन्या शेअर बाजारात एन्ट्री करणार आहेत.

आठवड्याच्या पहिल्या ट्रेडिंग दिवशी 12 जानेवारीला अवाना इलेक्ट्रो सिस्टिम्सचा 35.22 कोटी रुपयांचा आयपीओ सब्स्क्रिप्शनसाठी खुला होत आहे. या इश्यूमध्ये 14 जानेवारीपर्यंत बोली लावता येऊ शकते. आयपीओसाठी 56 रुपये ते 59 रुपये प्रति शेअर असा प्राइस बँड निश्चित करण्यात आला आहे, तर लॉट साइज 2,000 शेअर्सचा आहे. आयपीओ क्लोजिंगनंतर 19 जानेवारीला एनएसईच्या एसएमई प्लॅटफॉर्मवर कंपनीचे शेअर्स लिस्ट होऊ शकतात.

याच दिवशी नर्मदेश ब्रास इंडस्ट्रीजचा 44.87 कोटी रुपयांचा आयपीओ सब्स्क्रिप्शनसाठी खुला होत आहे. या इश्यूमध्ये 15 जानेवारीपर्यंत बोली लावता येऊ शकते. आयपीओमध्ये बोली लावण्यासाठी 515 रुपये प्रति शेअर असा भाव निश्चित करण्यात आला आहे, तर लॉट साइज 240 शेअर्सचा आहे. आयपीओ क्लोजिंगनंतर 20 जानेवारीला बीएसईच्या एसएमई प्लॅटफॉर्मवर कंपनीचे शेअर्स लिस्ट होऊ शकतात.

आठवड्याच्या दुसऱ्या ट्रेडिंगच्या दिवशी 13 जानेवारीला मेनबोर्ड सेगमेंटमध्ये अमागी मीडिया लॅब्सचा 1,788.62 कोटी रुपयांचा आयपीओ सब्स्क्रिप्शनसाठी खुला होत आहे. या इश्यूमध्ये 16 जानेवारीपर्यंत बोली लावता येऊ शकते. आयपीओसाठी 343 रुपये ते 361 रुपये प्रति शेअर असा प्राइस बँड आहे, तर लॉट साइज 41 शेअर्सचा आहे. आयपीओ क्लोजिंगनंतर 21 जानेवारीला बीएसई आणि एनएसईवर कंपनीचे शेअर्स लिस्ट होऊ शकतात.

याच दिवशी इंडो एसएमसीचा 91.95 कोटी रुपयांचा आयपीओ सब्स्क्रिप्शनसाठी खुला होत आहे. या इश्यूमध्येही 16 जानेवारीपर्यंत बोली लावता येईल. आयपीओमध्ये बोली लावण्यासाठी 141 रुपये ते 149 रुपये प्रति शेअर असा प्राइस बँड आहे, तर लॉट साइज 1,000 शेअर्सचा आहे. आयपीओ क्लोजिंगनंतर 21 जानेवारीला बीएसईच्या एसएमई प्लॅटफॉर्मवर कंपनीचे शेअर्स लिस्ट होऊ शकतात. 13 जानेवारीलाच जीआरई रिन्यू इनरटेकचा 39.56 कोटी रुपयांचा आयपीओ सब्स्क्रिप्शनसाठी खुला होत आहे. या इश्यूमध्येही 16 जानेवारीपर्यंत बोली लावता येऊ शकते. आयपीओमध्ये बोली लावण्यासाठी 100 रुपये ते 105 रुपये प्रति शेअर असा प्राइस बँड आहे, तर लॉट साइज 1,200 शेअर्सचा आहे. आयपीओ क्लोजिंगनंतर 21 जानेवारीला बीएसईच्या एसएमई प्लॅटफॉर्मवर कंपनीचे शेअर्स लिस्ट होऊ शकतात.

यानंतर 14 जानेवारीला आर्मर सिक्युरिटीचा 26.51 कोटी रुपयांचा आयपीओ सब्स्क्रिप्शनसाठी खुला होत आहे. या इश्यूमध्ये 19 जानेवारीपर्यंत बोली लावता येऊ शकते. आयपीओमध्ये बोली लावण्यासाठी 55 रुपये ते 57 रुपये प्रति शेअर असा प्राइस बँड आहे, तर लॉट साइज 2,000 शेअर्सचा आहे. आयपीओ क्लोजिंगनंतर 22 जानेवारीला एनएसईच्या एसएमई प्लॅटफॉर्मवर कंपनीचे शेअर्स लिस्ट होऊ शकतात.

या नवीन आयपीओव्यतिरिक्त मागील आठवड्यात 9 जानेवारीला सब्स्क्रिप्शनसाठी खुल्या झालेल्या भारत कोकिंग कोल लिमिटेडच्या 1,071.11 कोटी रुपयांच्या आयपीओमध्ये मंगळवार म्हणजे 13 जानेवारीपर्यंत बोली लावता येणार आहे. आयपीओमध्ये बोली लावण्यासाठी 21 रुपये ते 23 रुपये प्रति शेअर असा प्राइस बँड आहे, तर लॉट साइज 600 शेअर्सचा आहे. आयपीओ क्लोजिंगनंतर 16 जानेवारीला बीएसई आणि एनएसईवर कंपनीचे शेअर्स लिस्ट होऊ शकतात. या आयपीओला आतापर्यंत 8.18 पट सब्स्क्रिप्शन मिळाले आहे.

त्याचप्रमाणे 9 जानेवारीलाच सब्स्क्रिप्शनसाठी खुल्या झालेल्या डिफ्रेल टेक्नॉलॉजीजच्या 13.77 कोटी रुपयांच्या आयपीओमध्येही मंगळवार म्हणजे 13 जानेवारीपर्यंत बोली लावता येऊ शकते. आयपीओमध्ये बोली लावण्यासाठी 70 रुपये ते 74 रुपये प्रति शेअर असा प्राइस बँड आहे, तर लॉट साइज 1,600 शेअर्सचा आहे. आयपीओ क्लोजिंगनंतर 16 जानेवारीला बीएसईच्या एसएमई प्लॅटफॉर्मवर कंपनीचे शेअर्स लिस्ट होऊ शकतात.

शेअर बाजारातील लिस्टिंगबाबत बोलायचे झाल्यास, या आठवड्यात 13 जानेवारीला बीएसईच्या एसएमई प्लॅटफॉर्मवर गैबियन टेक्नॉलॉजीजचे शेअर्स लिस्ट होऊन व्यापारास सुरुवात करू शकतात. त्याच्या दुसऱ्या दिवशी यजुर फायबर्सचे शेअर्स बीएसईच्या एसएमई प्लॅटफॉर्मवर आणि विक्ट्री इलेक्ट्रिक व्हेइकल्सचे शेअर्स एनएसईच्या एसएमई प्लॅटफॉर्मवर लिस्ट होऊ शकतात. आठवड्याच्या शेवटच्या कारोबारी दिवशी 16 जानेवारीला भारत कोकिंग कोल लिमिटेडचे शेअर्स बीएसई आणि एनएसईवर तसेच डिफ्रेल टेक्नॉलॉजीजचे शेअर्स बीएसईच्या एसएमई प्लॅटफॉर्मवर लिस्ट होऊन शेअर बाजारात व्यवहारास सुरुवात करू शकतात.

---------------

हिंदुस्थान समाचार / Suraj Chaugule