छत्रपती संभाजीनगर, 18 जानेवारी (हिं.स.)।

शासकिय महाविदयालयात अभियांत्रिकी असलेल्या मतमोजणी केंद्रावर प्रवेश करण्याच्या कारणावरून झालेल्या वादानंतर, पोलिस अधिकाऱ्यांसोबत काही जणांनी धक्काबुक्की करून बाचाबाची केली. पोलिसांवर हल्ला केला.

या प्रकरणात शासकिय कामात अडथळा आणणाऱ्या माजी महापौर विकास जैन यांच्या सह अन्य दोन कार्यकर्त्यांच्या विरोधात वेदांतनगर पोलिस ठाण्यात गुन्हा दाखल करण्यात आला आहे.

सहायक पोलिस आयुक्त सागर देशमुख बंदोबस्तासाठी शासकीय अभियांत्रिकी महाविदयालयाच्या परिसरात कर्तव्यावर होती. या ठिकाणी प्रभाग क्रमांक १८, १९, २०, २१, २२ व २७ च्या मतमोजणी दरम्यान कडक बंदोबस्त तैनात होता. मतमोजणी

केंद्राकडे येणाऱ्या प्रमुख रस्त्यांवर बॅरिकेडिंग करून प्रवेश नियंत्रित केला जात होता. उमेदवार व त्यांच्या मर्यादित प्रतिनिधींनाच निवडणूक अधिकारी यांनी दिलेल्या ओळखपत्रांच्या आधारे प्रवेश देण्याची व्यवस्था होती.

मुख्य प्रवेशद्वारासमोर मोठी गर्दी झाली. माजी महापौर विकास जैन, शिवा राजपूत व अभिषेक जीवनवाल ओळखपत्र न दाखवता आत प्रवेश करण्याचा प्रयत्न करीत असल्याचे पोलिसांचे म्हणणे आहे. उपस्थित पोलिस अधिकाऱ्यांनी त्यांना ओळखपत्र दाखविण्याची विनंती केली; मात्र यावरून वाद वाढत गेला. आरोपानुसार प्रवेशद्वार ढकलून जबरदस्तीने आत शिरण्याचा प्रयत्न करण्यात आला. या गोंधळात पोलिस निरीक्षक प्रमोद कठाणे व सहायक निरीक्ष एसक मिरधे यांना धक्काबुक्की करण्यात आली. परिस्थिती नियंत्रणाबाहेर जात असल्याचे लक्षात येताच जमावाला रोखण्यासाठी पोलिसांनी सौम्य बळाचा वापर केला. यानंतर संबंधित व्यक्तींना बाजूला नेऊन परिस्थिती नियंत्रणात आणण्यात आली.

मतमोजणी केंद्रावर परिस्थिती आटोक्यात आण्ण्यासाठी पोलिसांना सौम्य बळाचा वापर करावा लागला. यात माजी महापौर विकास जैन यांच्या हाताला गंभीर दुखापत झाली असुन काही कार्यकर्त्यांनाही मारहाण झाल्याचा आरोप आहे.

दुसरीकडे, सहायक आयुक्त सागर देशमुख यांनी दिलेल्या फिर्यादीनुसार विकास जैन, शिवा राजपुत आणि अभिषेक जीवनवाल यांच्याविरोधात शासकीय कामात अडथळा निर्माण करणे, मनाई आदेशाचे उल्लंघन करणे व शासकीय अधिकाऱ्यांवर हल्ला केल्याप्रकरणी भारतीय न्याय संहिता २०२३ मधील संबंधित कलमान्वये वेदांतनगर पोलिस ठाण्यात गुन्हा दाखल करण्यात आला आहे. पुढील तपास वेदांतनगर ठाण्याच्या निरीक्षक प्रवीणा यादव करीत आहेत.

---------------

हिंदुस्थान समाचार / Hanumant Madanrao Chitnis