बंगळुरु, 19 जानेवारी (हिं.स.)विदर्भाने पहिल्यांदाच विजय हजारे ट्रॉफी जिंकून इतिहास रचला. अंतिम फेरीत विदर्भाने सौराष्ट्राचा ३८ धावांनी पराभव केला. दोन्ही संघांमधील सामना बंगळुरूमध्ये खेळला गेला. १२ महिन्यांनंतर विदर्भाने विजयाची चव चाखली. हा तोच संघ आहे जो गेल्या वर्षी अंतिम फेरीत पोहोचला होता. पण कर्नाटककडून त्यांना पराभव स्वीकारावा लागला होता.

२०२५ च्या अंतिम फेरीत कर्नाटकने विदर्भाचा ४६ धावांनी पराभव केला होता. पण यावेळी विदर्भ वेगळ्या निकालासाठी तयार असल्याचे दिसून आले. अथर्व तायडेने शतक झळकावले. या फलंदाजाने ११८ चेंडूत १५ चौकार आणि तीन षटकार मारत १२८ धावा केल्या.

तायडेला यश राठोडने साथ दिली, ज्याने ५४ धावा केल्या आणि मधल्या फळीत महत्त्वपूर्ण योगदान दिले. परिणामी विदर्भाने ५० षटकांत ८ गडी गमावून ३१७ धावा केल्या. अथर्व व्यतिरिक्त, विदर्भाकडून यश राठोडने ५४ आणि अमन मोखाडेने ३३ धावा केल्या. याशिवाय इतर कोणताही फलंदाज फारसा खेळू शकला नाही.

३१८ धावांचा पाठलाग करताना, सौराष्ट्राने लवकर विकेट गमावल्या, ज्यामुळे संघाला धक्का बसला. प्रेराक मंकडने ८८ धावा केल्या, तर चिराग जानीने ६४ धावा केल्या. पण विदर्भाच्या गोलंदाजांनी शिस्तबद्ध गोलंदाजी केली आणि जास्त धावा दिल्या नाहीत. अशाप्रकारे सौराष्ट्रचा संघ ४८.५ षटकांत सर्वबाद झाला.

यश ठाकूर हा सौराष्ट्राचा स्टार गोलंदाज होता. त्याने ४ विकेट्स घेतल्या. तर नचिकेत भुतेने ३, दर्शन नालकांडेने २ आणि हर्ष दुबेने एक विकेट घेतली. हे लक्षात घेतले पाहिजे की, सौराष्ट्र दोन वेळा विजय हजारे चॅम्पियन आहे. अंतिम सामन्यात त्यांचा हा दुसरा पराभव ठरला आहे.

---------------

हिंदुस्थान समाचार / वृषाली देशपांडे