श्रीनगर , 02 मार्च (हिं.स.)।काश्मीर खोऱ्यात सुरू असलेल्या आंदोलनांच्या पार्श्वभूमीवर जम्मू आणि कश्मीर सरकारने खबरदारीचा उपाय म्हणून सोमवारपासून दोन दिवसांसाठी शैक्षणिक संस्था बंद ठेवण्याचा निर्णय घेतला आहे.

शिक्षण मंत्री सकीना इटू यांनी सांगितले की, विद्यार्थ्यांच्या सुरक्षिततेची खात्री करण्यासाठी सरकारने खबरदारीचा उपाय म्हणून शाळा तसेच सर्व उच्च शिक्षण संस्थांना सुट्टी जाहीर करण्याचा निर्णय घेतला आहे. मंत्री इटू म्हणाल्या, “आम्ही शाळा, महाविद्यालये आणि विद्यापीठे दोन दिवस बंद ठेवण्याचा निर्णय घेतला आहे.”

मंत्र्यांनी पुढे सांगितले की, सरकार परिस्थितीवर बारकाईने लक्ष ठेवून आहे आणि प्रत्यक्ष परिस्थितीचा आढावा घेतल्यानंतरच शैक्षणिक संस्था पुन्हा सुरू करण्याबाबत निर्णय घेतला जाईल. विशेष म्हणजे, दोन महिन्यांहून अधिक कालावधीच्या हिवाळी सुट्टीनंतर सोमवारपासून आठवीपर्यंतच्या शाळा पुन्हा सुरू होणार होत्या. यापूर्वी २३ फेब्रुवारी रोजी कश्मीर विभाग आणि जम्मू विभागातील हिवाळी भागांमध्ये नववी ते बारावीच्या शाळांमध्ये ७० दिवसांहून अधिक कालावधीच्या हिवाळी सुट्टीनंतर शैक्षणिक उपक्रम पुन्हा सुरू करण्यात आले होते.

---------------

हिंदुस्थान समाचार / Priyanka Bansode