कोलकाता, 02 मार्च (हिं.स.) टी-20 विश्वचषकामध्ये सुपर ८ च्या एका महत्त्वाच्या सामन्यात वेस्ट इंडिजला पाच विकेट्सनी पराभूत करत भारताने उपांत्य फेरीत प्रवेश केला. आता संघ ५ मार्च रोजी मुंबईत इंग्लंडशी सामना करणार आहे. रविवारी झालेल्या सामन्यात संजू सॅमसनच्या शानदार खेळीमुळे भारताने १९९ धावा केल्या आणि विजय निश्चित केला. सामन्यानंतर, या स्टार क्रिकेटपटूला त्याच्या दमदार कामगिरीसाठी सामनावीराचा पुरस्कार देण्यात आला.

वेस्ट इंडिजविरुद्ध ५० चेंडूत १२ चौकार आणि चार षटकारांसह ९७ धावांची संस्मरणीय नाबाद खेळी करणारा संजू सॅमसन भावुक झाला. तो म्हणाला, हे माझ्यासाठी जग आहे. ज्या दिवसापासून मी क्रिकेट खेळायला सुरुवात केली, त्या दिवसापासून मी माझ्या देशासाठी खेळण्याचे स्वप्न पाहिले होते. आज मला असे वाटते की मी त्या दिवसाची वाट पाहत होतो. मी खूप कृतज्ञ आणि आभारी आहे.

आपल्या संघर्षांची आठवण करून तो म्हणाला, माझा प्रवास खूप खास होता, पण तो चढ-उतारांनीही भरलेला होता. असे काही वेळा आले आहेत जेव्हा मला स्वतःवर शंका होती. मी अनेकदा विचार केला आहे की मी ते करू शकेन का. मी संघात स्थान मिळवू शकेन का? पण मी स्वतःवर विश्वास ठेवला. आज मला आशीर्वाद दिल्याबद्दल मी देवाचे आभार मानतो.

सॅमसनने स्पष्ट केले की जरी मला जास्त संधी मिळाल्या नसल्या तरी, मी प्रत्येक क्षणातून शिकण्याचा प्रयत्न करतो. तो पुढे म्हणाला, मी बराच काळ या फॉरमॅटमध्ये खेळत आहे. मी १०-१२ वर्षांपासून आयपीएलमध्ये आहे आणि गेल्या १० वर्षांपासून मी राष्ट्रीय संघाचा भाग आहे. जरी मला प्रत्येक सामना खेळण्याची संधी मिळाली नाही, तरी मी डगआउटमध्ये बसून खूप काही शिकलो. मोठे क्रिेकेटपटू कसे सामने पूर्ण करतात आणि ते परिस्थितीनुसार त्यांचा खेळ कसा जुळवून घेतात हे मी पाहिले.

---------------

हिंदुस्थान समाचार / वृषाली देशपांडे