नवी दिल्ली, 01 एप्रिल (हिं.स.)भारतीय क्रिकेट नियामक मंडळाने (बीसीसीआय) आयपीएल २०२६ मध्ये पहिल्यांदाच श्रेयस अय्यरवर दंड आकारून कठोर कारवाई केली आहे. मंगळवारी पंजाब किंग्सने आपला सामना जिंकला असला तरी, धीम्या गतीने षटके टाकल्याबद्दल पीबीकेएसचा कर्णधार श्रेयस अय्यरला १1 लाख रुपयांचा दंड भरावा लागला.
आयपीएलच्या चौथ्या सामन्यात ही घटना घडली. पंजाब किंग्सचा सामना गुजरात टायटन्सशी झाला. सामन्यादरम्यान, पंजाब संघ निर्धारित वेळेत आपली षटके पूर्ण करू शकला नाही, जे आयपीएल नियमांचे उल्लंघन आहे. आयपीएलच्या अधिकृत निवेदनात म्हटले आहे, या हंगामातील संघाचा हा पहिलाच गुन्हा होता आणि त्यामुळे कर्णधार श्रेयस अय्यरला १2 लाख रुपयांचा दंड ठोठावण्यात आला आहे.
आयपीएलमध्ये प्रत्येक संघाला निर्धारित वेळेत आपली षटके पूर्ण करणे आवश्यक असते. असे करण्यात अयशस्वी झाल्यास कर्णधाराला दंड भरावा लागतो. पहिल्या गुन्ह्यासाठी दंड 12 लाख रुपये आहे. वारंवार गुन्हा केल्यास अधिक कठोर दंड आकारला जातो. या प्रकरणात, अय्यरचा हा पहिलाच गुन्हा होता, त्यामुळे फक्त आर्थिक दंड आकारण्यात आला. षटकांचा वेग कमी ठेवण्याच्या दुसऱ्या गुन्ह्यासाठी पंजाबच्या कर्णधाराला आणि संपूर्ण संघाला शिक्षा होईल. कर्णधाराचा दंड दुप्पट केला जाईल, तर संघातील उर्वरित क्रिकेटपटू आणि बदली क्रिकेटपटूंना ६,००,००० रुपये किंवा त्यांच्या सामना शुल्काच्या २५%, यापैकी जी रक्कम कमी असेल, तो दंड आकारला जाईल.
बीसीसीआयने आयपीएल २०२५ सुरू होण्यापूर्वी नियम शिथिल केले. षटकांचा वेग कमी ठेवल्याबद्दल कर्णधारांवर बंदी घालणारा नियम काढून टाकण्यात आला. आता फक्त दंड आकारला जाईल. बैठकीत असे ठरले की, षटकांचा वेग कमी ठेवल्याबद्दल कर्णधारांना डिमेरिट पॉइंट्स आणि दंड दिला जाईल. केवळ गंभीर प्रकरणांमध्येच निर्बंध लादले जातील.
लेव्हल १ च्या गुन्ह्यांसाठी सामना शुल्कात २५ ते ७५% कपात केली जाईल, सोबतच डिमेरिट पॉइंट्स दिले जातील, जे पुढील तीन वर्षांसाठी लागू राहतील. लेव्हल २ चे गुन्हे, जर खरोखरच गंभीर मानले गेले, तर चार डिमेरिट पॉइंट्स दिले जातील. त्यात पुढे असे नमूद केले आहे की, प्रत्येक चार डिमेरिट पॉइंट्ससाठी, सामनाधिकारी १०० टक्के दंड किंवा एक अतिरिक्त डिमेरिट पॉइंटची शिक्षा देऊ शकतात. या डिमेरिट पॉइंट्समुळे भविष्यातील सामन्यावर बंदी येऊ शकते, पण ओव्हरचा वेग कमी असल्याबद्दल सामन्यावर बंदी (तात्काळ) घातली जाणार नाही.
---------------
हिंदुस्थान समाचार / वृषाली देशपांडे
