बगळुरू, 08 एप्रिल (हिं.स.) : भारताच्या पाळीव प्राण्यांच्या पोषण क्षेत्राला नवी दिशा देणाऱ्या एका महत्त्वपूर्ण निर्णयांतर्गत, जागतिक पातळीवर विस्तारणारी आणि देशातील सर्वात वेगाने वाढणारी पेट फूड कंपनी ड्रूल्सने 'टेट्रा पॅक'सोबतच्या धोरणात्मक भागीदारीद्वारे 'फ्रेश पेट फूड' विभागात प्रवेश करण्याची घोषणा केली आहे. यासोबतच, प्रगत प्रक्रिया आणि पॅकेजिंग पायाभूत सुविधांसाठी १८० कोटी रुपयांची गुंतवणूक करण्यात आली आहे. याद्वारे, टेट्रा रेकार्ट® पॅकेजिंगमध्ये 'फ्रेश पेट फूड' सादर करणारा ड्रूल्स हा आशियातील पहिला पेट फूड ब्रँड ठरला आहे. यामुळे मोठ्या प्रमाणावरील उत्पादन, जागतिक पॅकेजिंग तंत्रज्ञान आणि पाळीव प्राण्यांच्या पोषणाचे एक नवीन स्वरूप भारतीय बाजारपेठेत उपलब्ध होणार आहे.

हे लाँचिंग भारतातील 'पेट फूड' विकसित करण्याच्या आणि त्याच्या वापराच्या पद्धतीतील एक संरचनात्मक बदल दर्शवते. पाळीव प्राणी पाळण्याचे वाढते प्रमाण आणि खरेदीच्या वर्तनावर प्रभाव टाकणारे 'पेट ह्युमनायझेशन' यामुळे ग्राहक आता त्यांच्या पाळीव प्राण्यांसाठी अनोखी सोल्यूशन्स शोधत आहेत. भारताची 'पेट फूड' बाजारपेठ सध्या ७० ते ९० कोटी डॉलर्स इतकी असून, ती ११-१६ टक्‍क्‍यांच्या चक्रवाढ वार्षिक वृद्धी दराने1 वेगाने वाढत आहे. यामध्ये प्रीमियम आणि विशेष पोषण हे विभाग सर्वात वेगाने विकसित होत आहेत. भारतात फ्रेश पेट फूडची श्रेणी अद्याप प्राथमिक टप्प्यात असली तरी, ती सोयीस्कर आणि 'घरगुती' पद्धतीच्या पोषणातील अंतर भरून उत्क्रांतीच्या पुढील टप्प्याचे प्रतिनिधीत्व करते. फ्रेश पेट फूडची ही श्रेणी संपूर्ण भारतात खालील प्रकारांमध्ये आणि पॅक साइजमध्ये उपलब्ध असेल:

रिअल चिकन आणि व्हेजिटेबल्स

रिअल चिकन आणि टर्की

रिअल चिकन आणि पम्पकिन

रिअल चिकन बिर्याणी

पॅक आकार: १५० ग्रॅम आणि ३५० ग्रॅम

या उद्योगातील पहिल्याच नाविन्यपूर्ण प्रयोगाबद्दल बोलताना ड्रूल्स पेट फूड प्रायव्हेट लिमिटेडचे संस्थापक फहीम सुल्तान म्हणाले, भारतातील पेट फूड बाजारपेठ एका महत्त्वाच्या वळणावर आहे, जिथे ग्राहक आपल्या पाळीव प्राण्यांसाठी अधिक चांगल्या, ताज्या आणि पारदर्शक पोषणाची मागणी करत आहेत. ड्रूल्समध्ये आमचा नेहमीच मागणी वाढण्यापूर्वीच श्रेणी विकसित करण्यावर विश्वास राहिला आहे. आमची गुंतवणूक आणि टेट्रा पॅकसोबतची भागीदारी आम्हाला अन्न प्रक्रिया आणि पॅकेजिंगमधील जागतिक प्रगती भारतात आणण्यास मदत करेल, ज्यामुळे फ्रेश पेट फूड सहज उपलब्ध आणि मोठ्या प्रमाणावर पोहोचवता येईल. हा केवळ उत्पादनातील नवोपक्रम नाही, तर देशातील पाळीव प्राण्यांच्या पोषणाची व्याख्या बदलण्याच्या दिशेने उचललेले एक पाऊल आहे.

खऱ्या घटकांपासून बनवलेली, प्रिझर्व्हेटिव्ह मुक्त आणि उघडण्यापूर्वी रेफ्रिजरेशनची गरज नसलेली ही फ्रेश फूड श्रेणी सादर करून ड्रूल्स पारंपारिक ड्राय (सुके) आणि वेट (ओले) फूडच्या पलीकडे या क्षेत्राचा प्रभावीपणे विस्तार करत आहे. टेट्रा पॅकच्या प्रगत रिटॉर्टिंग आणि असेप्टिक पॅकेजिंग तंत्रज्ञानामुळे उत्पादनाची सुरक्षितता, शेल्फ स्थिरता आणि पोषक तत्वांची टिकवण सुनिश्चित होते; तसेच यामुळे कोल्ड-चेन लॉजिस्टिकची गरज संपुष्टात येते, जो भारतात ताजे अन्न उत्पादन मोठ्या प्रमाणावर पोहोचवण्यातील एक मुख्य अडथळा होता.

ही भागीदारी पॅकेजिंगचा वापर केवळ वितरणाचे माध्यम म्हणून न करता सुलभता, शाश्वतता आणि विस्ताराचे एक धोरणात्मक साधन म्हणून करण्यातील बदल दर्शवते. टेट्रा रेकार्ट® कार्टन्स हवा आणि प्रकाशापासून बहुस्तरीय संरक्षण देतात, प्रिझर्व्हेटिव्हशिवाय उत्पादनाची टिकवण क्षमता वाढवतात आणि पारंपारिक धातूच्या डब्यांच्या तुलनेत हे पॅकेजिंग कार्बन फूटप्रिंट लक्षणीयरित्या कमी करते, वजनाला हलके असते आणि विल्हेवाट लावण्यासाठी अत्यंत सोपे आहेत.

टेट्रा पॅकच्या दक्षिण आशिया बाजारपेठेचे व्यवस्थापकीय संचालक कॅसिओ सिमोएस म्हणाले, भारतातील पाळीव प्राण्यांच्या पोषणाची उत्क्रांती गुणवत्ता, सुरक्षितता आणि शाश्वततेच्या दिशेने होणारा व्यापक बदल दर्शवते. ड्रूल्ससोबतची आमची भागीदारी हे दर्शवते की, प्रगत प्रक्रिया आणि पॅकेजिंग तंत्रज्ञान कशा प्रकारे ताज्या पोषणाचे फायदे सोयी आणि विस्तारक्षमतेशी जोडून संपूर्णपणे नवीन श्रेणींची दारे उघडू शकते. आमचा असा विश्वास आहे की, हा नवोपक्रम भारतातील पेट फूड उद्योगाचे भविष्य घडवण्यात महत्त्वाची भूमिका बजावेल.

एल कॅटरटन इंडियाचे कार्यकारी अध्यक्ष आणि हिंदुस्थान युनिलिव्हर लिमिटेडचे माजी अध्यक्ष व सीईओ संजीव मेहता म्हणाले, ही भागीदारी दूरदृष्टी असलेल्या नेतृत्वाचे एक भक्कम प्रतिबिंब आहे, जे शाश्वतता, तंत्रज्ञान आणि नवोपक्रमाला विकासाचे मुख्य स्तंभ मानते. हे भविष्यातील गरजांशी सुसंगत असून ड्रूल्सला स्पर्धेत आघाडीवर ठेवते आणि उद्योगासाठी प्रगत विचारांचे नवीन मापदंड प्रस्थापित करते.

या लाँचसह ड्रूल्स केवळ आपल्या नवोपक्रमाची साखळी मजबूत करत नाही, तर या क्षेत्रातील अग्रगण्य म्हणून आपले स्थान अधिक भक्कम करत आहे. कंपनीने सातत्याने भारतातील पाळीव प्राण्यांच्या पोषणाच्या सीमा विस्तारल्या असून जागतिक मानकांनुसार क्षमता विकसित केल्या आहेत. एल कॅटरटन आणि नेस्ले एस.ए. यांचे पाठबळ असलेल्या ड्रूल्सने देशांतर्गत आणि आंतरराष्ट्रीय बाजारपेठेत आपली उपस्थिती सातत्याने वाढवली आहे. कंपनीचे उत्पादन विकास पशुवैद्यक आणि पोषण तज्ज्ञांच्या चमूद्वारे केले जाते आणि बाजारपेठ परिपक्व होण्यापूर्वीच नवीन फॉरमॅट आणि नवोपक्रम सादर करण्यात ही कंपनी आघाडीवर राहिली आहे.

लिंक: https://www.instagram.com/reel/DWx5EuLDOaR/?igsh=MWI3YmUxaDhpMzBrag%3D%3D

---------------

हिंदुस्थान समाचार / हर्षदा गावकर