नवी दिल्ली , 28 मे (हिं.स.)।ईद-उल-अधा (बकरीद) हा सण गुरुवारी देशभरात साजरा करण्यात येत आहे. यानिमित्त राष्ट्रपती द्रौपदी मुर्मू आणि पंतप्रधान नरेंद्र मोदी यांनी देशवासीयांना शुभेच्छा दिल्या.

राष्ट्रपती द्रौपदी मुर्मू यांनी एक्सवर लिहिले, “ईद-उज-जुहाच्या निमित्ताने मी सर्व देशवासीयांना, विशेषतः मुस्लिम बांधवांना हार्दिक शुभेच्छा देते. हा सण समर्पण, त्याग आणि बलिदानाचे प्रतीक आहे. हा सण आपल्याला मानवतेची, विशेषतः वंचित घटकांची सेवा करण्याची प्रेरणा देतो. या प्रसंगी समाजात प्रेम आणि सलोखा वाढवण्यासाठी आपण अधिक कटिबद्ध होऊ या.”

पंतप्रधान नरेंद्र मोदी यांनीही एक्सवर लिहिले, “ईद-उल-अधाच्या हार्दिक शुभेच्छा! ईश्वर करो की हा सण आपल्या समाजातील बंधुभाव आणि आनंद अधिक दृढ करो. सर्वांच्या यशस्वी आणि निरोगी आयुष्यासाठी प्रार्थना.”

---------------

हिंदुस्थान समाचार / Priyanka Bansode