मुंबई, 29 मे (हिं.स.)। बॉलिवूड अभिनेत्री अनुष्का रंजन आणि अभिनेता आदित्य सील लवकरच पालक होणार आहेत. त्यांनी सोशल मीडियावर त्यांच्या पहिल्या गरोदरपणाची घोषणा करून चाहत्यांना ही आनंदाची बातमी दिली. २०२१ मध्ये विवाहबद्ध झालेले हे जोडपे आता जवळपास चार वर्षांनंतर आपल्या पहिल्या बाळाचे स्वागत करण्यास सज्ज झाले आहे. ही बातमी कळताच चाहते आणि चित्रपट कलाकारांनी त्यांचे अभिनंदन करण्यास सुरुवात केली.

अनुष्का आणि आदित्यने एक संयुक्त इंस्टाग्राम पोस्ट शेअर करून आपला आनंद व्यक्त केला. फोटोंमध्ये अनुष्काचे बेबी बंप आणि प्रेग्नन्सी ग्लो स्पष्टपणे दिसत आहे. पोस्टच्या कॅप्शनमध्ये लिहिले होते, मी शंभर वर्षे वाट पाहिली आहे, पण तुझ्यासाठी मी आणखी लाखो वर्षे वाट पाहू शकते. तू माझ्या आयुष्यात येशील, हे माझे किती मोठे भाग्य असेल याची मला कल्पना नव्हती. या भावनिक संदेशाने सोशल मीडियावर लोकांचे लक्ष वेधून घेतले आणि ही पोस्ट झटपट व्हायरल झाली.

अनुष्का रंजन शाहिद कपूर सोबत 'बत्ती गुल मीटर चालू' या चित्रपटात दिसली आहे. दरम्यान, आदित्य सीलने 'तुम बिन २' आणि 'खेल खेल में' सारख्या चित्रपटांमध्ये आपल्या अभिनयाचे कौशल्य दाखवले आहे. चाहते आता त्यांच्या आयुष्यात होणाऱ्या नव्या आगमनाबद्दल उत्सुक आहेत.

---------------

हिंदुस्थान समाचार / हर्षदा गावकर