गुवाहाटी, 03 मे (हिं.स.)। निवडणूक आयोग मतमोजणीसाठी पूर्णपणे सज्ज आहे. आसामच्या 40 मतमोजणी केंद्रांमध्ये कडक सुरक्षा व्यवस्थेमध्ये सोमवारी सकाळी 8 वाजल्यापासून मतमोजणी प्रक्रिया सुरू होणार आहे. उद्या 126 विधानसभा क्षेत्रांतील 722 उमेदवारांचे भाग्य ठरणार आहे.

उल्लेखनीय आहे की, नुकतेच 09 एप्रिल रोजी एकाच टप्प्यात राज्यात विधानसभा निवडणुकीसाठी मतदान झाले होते. यावेळी राज्यात विक्रमी 85.5 टक्के मतदान झाले. हे राज्यासाठी विक्रमी मतदान होते.

यावेळी सत्ताधारी पक्ष भारतीय जनता पक्ष (भाजप) ने 90 जागा, आसाम गण परिषद (अगप) ने 26 जागा, बोडोलँड पीपल्स फ्रंट (बीपीएफ) ने 11 जागा, काँग्रेस ने 99 जागा, आसाम जातीय परिषद (अजाप) ने 10 जागा, रायझर दल ने 13 जागा, झारखंड मुक्ती मोर्चा (जेएमएम) ने 19 जागा, युनायटेड पीपल्स पार्टी लिबरल (यूपीपीएल) ने 17 जागा, सीपीआय ने 5 जागा, नॅशनल पीपल्स पार्टी (एनपीपी) ने 2 जागा, अखिल भारतीय संयुक्त लोकतांत्रिक मोर्चा (एआययूडीएफ) ने 27 जागा, तृणमूल काँग्रेस ने 23 जागा, आम आदमी पार्टी (आप) ने 20 जागा, सीपीआय (एम) ने 2 जागा, सीपीआय (एमएल) ने 2 जागा, ऑल पार्टी हिल लीडर्स कॉन्फरन्स (एपीएचएलसी) या पक्षाने 2 जागांवर आपले उमेदवार उभे केले आहेत तसेच 259 उमेदवारांनी अपक्ष म्हणून निवडणूक लढवली आहे.

मतमोजणीचा राजकारण्यांसह राज्यातील जनता देखील मोठ्या उत्सुकतेने प्रतीक्षा करत आहे. सत्ताधारी पक्ष आणि विरोधक दोघेही आपल्या विजयाचा दावा करत आहेत. विजय कोणाचा होणार, हे मतमोजणीनंतर स्पष्ट होईल.

---------------

हिंदुस्थान समाचार / Suraj Chaugule