फ्लोरिडा (अमेरिका), 12 जुलै (हिं.स.)नॉर्वेला पराभवाचा धक्का देत इंग्लंडने फिफा विश्वचषक स्पर्धेच्या उपांत्य फेरीत प्रवेश केला. इंग्लंडने नॉर्वेला २-१ ने पराभूत केले. सामन्याचा निकाल अतिरिक्त वेळेत लागला. इंग्लंडकडून ज्युड बेलिंगहॅमने दोन्ही गोल केले. नॉर्वेकडून अँडर्स शेल्डरअपने एकमेव गोल केला. आता 1६ जुलैला इंग्लिश संघाचा उपांत्य फेरीचा सामना होणार आहे.

सामन्यादरम्यान नॉर्वेने पहिला गोल केला. ३६ व्या मिनिटाला शेल्डरअपने केलेल्या शानदार गोलमुळे नॉर्वेला १-० अशी आघाडी मिळाली, पण अवघ्या ११ मिनिटांनंतर ज्युड बेलिंगहॅमने इंग्लंडसाठी बरोबरी साधली. मध्यंतरापर्यंत स्कोअर १-१ असाच राहिला. दुसऱ्या हाफमध्ये दोन्ही संघांनी गोल करण्याचा प्रयत्न केला, पण पूर्ण वेळेपर्यंत कोणालाही गोल करता आला नाही.

अतिरिक्त वेळेत इंग्लंडने बाजी मारली आणि सामन्याच्या सुरुवातीलाच बेलिंगहॅमने एक आकर्षक गोल करून इंग्लंडला नॉर्वेवर आघाडी मिळवून दिली. त्याने ९३ व्या मिनिटाला गोल करून सामन्याचे चित्रच पालटले. इंग्लंडने अतिरिक्त वेळेच्या ३० मिनिटांपर्यंत आपली आघाडी कायम ठेवली. नॉर्वेने सर्वोत्तम प्रयत्न केले पण ते इंग्लंडचे पारडे फिरवू शकले नाहीत आणि अखेरीस सामना २-१ ने जिंकला. इंग्लंडसाठी दोन्ही गोल बेलिंगहॅमने केले.

इंग्लंडच्या विजयाचा शिल्पकार ज्यूड बेलिंगहॅम होता, ज्याने दोन्ही गोल करून सामन्याचे चित्रच पालटून टाकले. पहिल्या हाफच्या शेवटी, नॉर्वेच्या अँड्रियास श्जेल्डरूपने आपल्या संघाला आघाडी मिळवून दिल्याने इंग्लंड अडचणीत आले होते. मात्र, त्यानंतर बेलिंगहॅमने एक शानदार गोल करून बरोबरी साधली. नियमित वेळेच्या दुसऱ्या हाफमध्ये नॉर्वे खूपच चांगला खेळला, तर इंग्लंडला संघर्ष करावा लागला. त्यांची कामगिरी अपेक्षेनुसार नव्हती. पण मग बेलिंगहॅमने एक चमत्कार करून सामन्याचे चित्रच पालटून टाकले.

बेलिंगहॅमने अतिरिक्त वेळेच्या सुरुवातीला इंग्लंडला आघाडी मिळवून देत खेळाचे चित्रच पालटून टाकले. तो एक शानदार गोल होता, कारण इंग्लंडचा बदली फुटबॉलपटू मॉर्गन रॉजर्सचा शॉट नॉर्वेचा गोलरक्षक ओर्जन हॅस्कजोल्ड नायलांडने अडवला आणि गोलची संधी निर्माण झाली. नायलांडसाठी तो एक अत्यंत निराशाजनक क्षण होता आणि या गोलमुळे बेलिंगहॅमच्या एकूण गोलांची संख्या सहा झाली आणि त्याने गोल्डन बूटच्या शर्यतीत प्रवेश केला. तो स्पर्धेतील सर्वोत्तम फुटबॉलपटूच्या पुरस्काराचाही एक प्रबळ दावेदार आहे. सर्वात महत्त्वाचे म्हणजे, त्याने इंग्लंडच्या उपांत्यपूर्व फेरीतील विजयात मोलाची भूमिका बजावली.

---------------

हिंदुस्थान समाचार / वृषाली देशपांडे