नवी दिल्ली, 12 जुलै (हिं.स.) - इंग्लंडविरुद्धच्या टी-२० मालिकेत ४-० ने व्हाईटवॉश मिळाल्यानंतर भारतीय क्रिकेट संघात बदल करण्यात आले आहेत. इंग्लंडविरुद्धच्या एकदिवसीय मालिकेसाठी आणि झिम्बाब्वे दौऱ्यावरील टी-२० मालिकेसाठी भारतीय संघात फेरबदल करण्यात आले आहेत. पण, हे बदल संघाच्या कामगिरीशी संबंधित नसून क्रिकेटपटूंच्या दुखापतींमुळे झाले आहेत. हर्षित राणा आणि वरुण चक्रवर्ती यांना नुकतीच दुखापत झाली असून ते भारताच्या आगामी मालिकेत खेळू शकणार नाहीत. बीसीसीआयने त्यांच्या बदली क्रिकेटपटूंची घोषणा केली आहे.

इंग्लंड मालिकेसाठीच्या भारतीय एकदिवसीय संघात हर्षित राणाचा समावेश होता. त्याच्या अनुपस्थितीत प्रिन्स यादवला संघात स्थान देण्यात आले आहे. इंग्लंडविरुद्धच्या तिसऱ्या टी-२० सामन्यादरम्यान हर्षितला हॅमस्ट्रिंगची ग्रेड १ दुखापत झाली आहे. त्याला आता बंगळूरु येथील बीसीसीआय सेंटर ऑफ एक्सलन्समध्ये दाखल केले जाईल.

वरुण झिम्बाब्वे दौऱ्यावरील टी-२० मालिकेसाठी भारतीय संघासोबत प्रवास करू शकणार नाही. त्याची जागा युवा लेग-स्पिनर रवी बिश्नोईने घेतली आहे. चक्रवर्तीला ग्रेड २ हॅमस्ट्रिंगची दुखापत झाली आहे. तो आता बंगळूरु येथील बीसीसीआयच्या सेंटर ऑफ एक्सलन्समध्ये दाखल होईल.

इंग्लंडविरुद्धच्या एकदिवसीय मालिकेसाठी सुधारित भारतीय संघ: शुभमन गिल (कर्णधार), रोहित शर्मा, विराट कोहली, श्रेयस अय्यर (उपकर्णधार), केएल राहुल (यष्टीरक्षक), ईशान किशन (यष्टीरक्षक), वॉशिंग्टन सुंदर, अक्षर पटेल, शिवम दुबे, कुलदीप यादव, जसप्रीत बुमराह, प्रसिद्ध कृष्णा, अर्शदीप सिंग, गुरनूर ब्रार, प्रिन्स यादव.

झिम्बाब्वेविरुद्धच्या T20I मालिकेसाठी भारतीय संघ : श्रेयस अय्यर (कर्णधार), वैभव सूर्यवंशी, अभिषेक शर्मा, टिळक वर्मा (उपकर्णधार), इशान किशन (यष्टीरक्षक), शिवम दुबे, सूर्यांश शेडगे, रिंकू सिंग, हर्ष दुबे, प्रिन्स यादव शर्मा, अशोक यादव, यौकिक शर्मा, यज्ञ यादव. प्रभसिमरन सिंग (यष्टीरक्षक), रवी बिश्नोई.

---------------

हिंदुस्थान समाचार / वृषाली देशपांडे