नवी दिल्ली, 23 जुलै (हिं.स.) : आंतरराष्ट्रीय आणि देशांतर्गत बाजारात किंमती कमी; गुंतवणूकदारांचे लक्ष बाजारातील घडामोडींवर सलग तीन दिवस वाढ नोंदवल्यानंतर गुरुवारी सोने आणि चांदीच्या दरात घसरण झाली आहे. आंतरराष्ट्रीय तसेच देशांतर्गत बाजारात दोन्ही मौल्यवान धातूंच्या किंमती कमी झाल्याचे दिसून आले.

आंतरराष्ट्रीय कॉमेक्स बाजारात सकाळी सुमारे 9 वाजेपर्यंत उपलब्ध आकडेवारीनुसार, सोन्याच्या किमतीत 0.49 टक्क्यांची घसरण होऊन भाव प्रति औंस 4,131.40 डॉलरवर आला. त्याचप्रमाणे चांदीच्या किमतीतही 0.24 टक्क्यांची घसरण झाली असून ती 60.100 डॉलर प्रति औंस दराने व्यवहार करत आहे. अलीकडील तेजीच्या तुलनेत ही लक्षणीय घसरण मानली जात आहे.देशांतर्गत एमसीएक्स बाजारातही सोन्याच्या दरात घसरण नोंदवण्यात आली. सकाळी 9 वाजेच्या सुमारास सोने 0.31 टक्क्यांनी घसरून 10 ग्रॅममागे सुमारे ₹1,45,230 दराने व्यवहार करत होते. चांदीच्या दरातही किंचित घसरण दिसून आली असून ती प्रति किलो सुमारे ₹2,26,453 दराने व्यवहार करत होती.

दरम्यान, भारतीय सराफा बाजारातही सोन्याच्या दरात घट झाली आहे. आज 24 कॅरेट सोन्याचा दर 10 ग्रॅममागे सुमारे ₹1,45,880, तर 22 कॅरेट सोन्याचा दर ₹1,33,173 प्रति 10 ग्रॅम इतका आहे. 18 कॅरेट सोन्याचा दर प्रति ग्रॅम सुमारे ₹10,921 इतका नोंदवला गेला आहे.

चांदीच्या दरातही घसरण कायम असून आज तिचा भाव प्रति किलो सुमारे ₹2,26,690 इतका आहे.तज्ज्ञांच्या मते, जागतिक बाजारातील हालचाली, डॉलरच्या मूल्यातील बदल आणि गुंतवणूकदारांच्या भूमिकेमुळे सोने-चांदीच्या दरात चढ-उतार सुरू आहेत.------------------------

हिंदुस्थान समाचार / मनीष कुलकर्णी