नवी दिल्ली, 24 जुलै (हिं.स.)। अदानी समूहाने विमानसेवा व्यवसायात उतरण्याची योजना आखत असल्याच्या मीडियातील बातम्या आणि बाजारातील अटकळी फेटाळून लावल्या आहेत.

शुक्रवारी 'एक्स' वरील एका पोस्टमध्ये अदानी समूहाने म्हटले आहे, अदानी एंटरप्रायझेस विमानसेवा सुरू करण्याची योजना आखत असल्याच्या अलीकडील मीडियातील बातम्या आणि बाजारातील अटकळी आम्ही स्पष्टपणे नाकारतो. समूहाने हे दावे पूर्णपणे निराधार आणि वस्तुस्थितीच्या विरुद्ध असल्याचे म्हटले आहे. कंपनीने स्पष्ट केले आहे की, अदानी एंटरप्रायझेस विमानसेवा व्यवसायात उतरण्याच्या कोणत्याही प्रस्तावावर विचार करत नाही.

---------------

हिंदुस्थान समाचार / Suraj Chaugule