नवी दिल्ली, 09 ऑगस्ट (हिं.स.) काँग्रेस नेते राहुल गांधी यांनी प्रयागराजमध्ये एका विद्यार्थ्यासोबत झालेल्या भेटीचा हवाला देत, केंद्र सरकार विद्यार्थ्यांच्या समस्यांकडे दुर्लक्ष करत असल्याचा आरोप केला. ते म्हणाले की, त्या विद्यार्थ्याने त्यांना सांगितले की त्याच्याकडे दुसरा कोणताही पर्याय उरला नव्हता. राहुल यांनी स्पष्ट केले की, त्या विद्यार्थ्याने अनेक वर्षे स्पर्धा परीक्षांची तयारी केली होती, त्यासाठी त्याने आपल्या कुटुंबाची जमीनही विकली होती आणि त्याच्या पालकांवर कर्जही झाले होते, तरीही त्याला यश मिळवता आले नाही.

एका सोशल मीडिया पोस्टमध्ये राहुल गांधी म्हणाले की, हा विद्यार्थ्याचा पराभव नाही, तर व्यवस्थेचा पराभव आहे, जी त्याच्या मेहनतीला योग्य फळ देण्यात अपयशी ठरली आहे. त्यांनी परीक्षा पद्धती आणि विद्यार्थ्यांच्या भविष्याबाबत सरकारकडून उत्तरदायित्वाची मागणी केली. त्यांनी केंद्र सरकार आणि केंद्रीय गृहमंत्री अमित शाह यांच्यावर विद्यार्थ्यांच्या प्रश्नांवर मौन बाळगल्याचा आरोप केला. राहुल गांधी म्हणाले की, विद्यार्थ्यांवरील कारवाईला १३ दिवस झाले आहेत, पण गृहमंत्र्यांकडून कोणतेही निवेदन आलेले नाही. माफी मागण्याऐवजी, माफीपत्रे वाटली जात आहेत.

राहुल गांधी म्हणाले की, विरोधी पक्ष जबाबदारीची मागणी करणे थांबवतील, असे सरकारने गृहीत धरू नये. राजधानीच्या रस्त्यांवर विद्यार्थ्यांवर लाठीचार्ज आणि पेलेट्सने हल्ला झाला, पण गृहमंत्री म्हणाले की, या घटनेची जबाबदारी सरकारने घेतली पाहिजे.

---------------

हिंदुस्थान समाचार / वृषाली देशपांडे