नांदेड, 19 सप्टेंबर (हिं.स.)नांदेड जिल्हा पोलीस दलाकडून अवैध जुगार, मटका आणि इतर बेकायदेशीर प्रकारांविरुद्ध सातत्याने कारवाई करण्यात येत आहे. याच मोहिमेअंतर्गत देगलूर शहरात बेकायदेशीररीत्या जुगार खेळणाऱ्यांवर देगलूर पोलीस ठाण्याच्या पथकाने धाड टाकून कारवाई केली.कारवाई आणि जप्त मुद्देमाल:गोपनीय माहितीच्या आधारे पोलीस पथकाने बस स्थानक परिसर, प्रिन्स हॉटेल समोर आणि लगतच्या मोकळ्या जागेत छापा टाकला. पोलिसांनी घटनास्थळावरून आणि आरोपींकडून रोख रक्कम 8,930 रुपये व 5,350 रुपये तसेच जुगाराचे साहित्य जप्त केले आहे. या प्रकरणी देगलूर पोलीस ठाण्यात गुन्हा रजिस्टर क्रमांक 457/2026, कलम 12 अ महाराष्ट्र जुगार प्रतिबंधक अधिनियम अन्वये गुन्हा दाखल करण्यात आला आहे.पोलीस पथक व मार्गदर्शन:सदर धाडसत्र नांदेडचे पोलीस अधीक्षक डॉ. नीलाभ रोहन यांच्या आदेशाने आणि परिमंडळ पोलीस उपअधीक्षक वैभव पडवळ यांच्या मार्गदर्शनाखाली पार पडले. या कारवाईत देगलूर पोलीस ठाण्याचे पोलीस अंमलदार केंद्रे, वाघमारे, मधुकर नामपल्ले आणि विशाल अटकोरे यांनी सहभाग घेतला. नागरिकांना सहकार्याचे आवाहन करण्यात आले आहे.

हिंदुस्थान समाचार / Sangita Hanumant Rao Chitanis