रत्नागिरी, 20 नोव्हेंबर, (हिं. स.) : नौदलाच्या माजी सैनिकांचा मेळावा सैनिकी मुलांचे वसतिगृह, चिपळूण येथे सोमवार, दि. ३० डिसेंबर रोजी सकाळी १० वाजता आयोजित करण्यात आला आहे.
जिल्ह्यातील नौदल माजी सैनिक, वीर नारी, वीर माता-पिता यांनी या मेळाव्यात अडीअडचणी सोडविण्यासाठी उपस्थित राहावे, असे आवाहन जिल्हा सैनिक कल्याण अधिकाऱ्यांनी केले आहे.
नौदल माजी सैनिक, वीर नारी, वीर माता-पितांसाठी आय. एन. एस. हमला, मोर्वे, मालाड, मुंबई यांच्यातर्फे या मेळाव्याचे आयोजन करण्यात आले आहे. मेळाव्यात पेन्शन विषयक, मेडिकल व स्पर्श (SPARSH) विषयक व इतर अभिलेखविषयक अडचणी असल्यास या मेळाव्यात सहभागी होऊन आपल्या अडीअडचणींचे निरसन करता येईल. त्याकरिता सोबत पीपीओ, आधार कार्ड, बँकेचे पासबुक व सोबत आधार कार्डशी लिंक असलेला मोबाइल असणे आवश्यक आहे. तसेच डिर्स्चाज बुक, PART II ORDER च्या कॉपी (असल्यास), पॅन कार्ड, ईसीएचएस कार्ड, कॅन्टीन कार्ड, माजी सैनिक ओळखपत्र, इत्यादी घेऊन या मेळाव्यात उपस्थित राहावे.
---------------
हिंदुस्थान समाचार / बाळकृष्ण कोनकर
