अहिल्यानगर, 28 डिसेंबर (हिं.स.):- संगमनेर तालुक्यातील पिंपळगाव देपा येथे काल अभंग कुटुंबीयांच्या घराला लागलेल्या आगीतून मोठे नुकसान झाले यानंतर काँग्रेसच्या राष्ट्रीय वर्किंग कमिटीचे सदस्य तथा माजी मंत्री बाळासाहेब थोरात व युवक काँग्रेसच्या अध्यक्षा डॉ.जयश्री थोरात यांनी तातडीने या कुटुंबीयांना भेट घेतली.यशोधन कार्यालयाच्या माध्यमातून पिंपळगाव देपा येथील जळीत झालेल्या अभंग कुटुंबीयांना तातडीची मदत म्हणून संसार उपयोगी साहित्य,किराणा व घरगुती वापराची भांडी देऊन मदत करण्यात आली.

पिंपळगाव देपा येथे अभंग कुटुंबीयांची भेट घेऊन लोकनेते बाळासाहेब थोरात यांनी सर्व माहिती जाणून घेतली.यावेळी समवेत डॉ.जयश्री थोरात,आदिवासी सेवक प्रा.बाबा खरात,सरपंच अलका मिंडे,ज्ञानदेव मिंडे,संतोष घाणे बाबासाहेब गांजवे ,लक्ष्मण खेमनर,साहेबराव हजारे,शिवाजी हजारे,पाराजी हजारे,साहेबराव अभंग,जनसेवक रोहिदास नागरे,सतीश शेजवळ आदी उपस्थित होते.पिंपळगाव देपा येथील कारभारी अभंग यांच्या घराला आग लागली. यात सोन्याचे तीन लाख २५ हजार रुपयांचे दागिने,एक लाख ७५ हजार रुपये रोख रक्कम,१५ पोते धान्यांसह सर्व संसार उपयोगी साहित्य जळून खाक झाले.यामुळे हे कुटुंब मोठ्या संकटात सापडले.या दुर्दैवी घटनेचे वृत्त समजताच लोकनेते बाळासाहेब थोरात यांनी व युवक काँग्रेस च्या अध्यक्षा डॉ.जयश्री थोरात यांनी यशोधन कार्यालयास तातडीने मदत करण्याच्या सूचना दिल्या.या कुटुंबीयांना मदतीसाठी किराणा व इतर साहित्य पाठवण्यात आले.याच बरोबर माजी मंत्री बाळासाहेब थोरात व डॉ.जयश्री थोरात यांनी या कुटुंबीयांची भेट घेतली. यावेळी डॉ.जयश्री थोरात म्हणाल्या की लोकनेते बाळासाहेब थोरात यांनी संगमनेर तालुका हा परिवार मानला आहे.ते सदैव प्रत्येक कुटुंबा च्या सुखदुःखात सहभागी आहेत.जीवनामध्ये अनापेक्षित पणे काही घटना घडतात.मात्र त्याला खंबीरपणे सामोर गेले पाहिजे.अभंग कुटुंबीयांनी नवीन घर बांधण्यासाठीचे स्वप्न ठेवले.मात्र काल लागलेल्या आगीतून कुटुंबीयांचे मोठे आर्थिक नुकसान झाले असून शासनाकडून विविध स्तरावरून मदत मिळवण्यासाठी लोकनेते बाळासाहेब थोरात यांच्या माध्यमातून आपण पाठपुरावा करू असे त्या म्हणाल्या.यावेळी बोलताना आदिवासी सेवक प्रा.बाबा खरात यांनी सदरचयावेळी पिंपळगाव देपा गावातील विविध कार्यकर्ते व पदाधिकारी उपस्थित होते.काँग्रेस पक्षाचे वरिष्ठ नेते तालुक्याचे कुटुंबप्रमुख माजी मंत्री बाळासाहेब थोरात व डॉ.जयश्री थोरात यांनी दिलेल्या भेटीने व दिलेल्या दिलासाने अभंग कुटुंबीय व पिंपळगाव देपा ग्रामस्थ भारावून गेले.

हिंदुस्थान समाचार / Shirish Kulkarni