मुंबई, 17 जानेवारी (हिं.स.)अभिनेत्री श्रद्धा कपूर हे बॉलिवूड इंडस्ट्रतील लोकप्रिय असं नाव आहे.श्रद्धा कपूर सोशल मीडियावर खूप सक्रिय आहे आणि ती तिच्या वैयक्तिक आयुष्याची झलक चाहत्यांबरोबर शेअर करत असते.श्रद्धाने पुन्हा एकदा तिच्या वैयक्तिक आयुष्यामुळे चाहत्यांचे लक्ष वेधून घेतले आहे. श्रद्धाने तिचा प्रियकर राहुल मोदीबरोबरचा गोंडस फोटो शेअर केला आहे.

श्रद्धा कपूरने तिच्या इन्स्टाग्राम अकाउंटवर स्टोरीच्या माध्यमातून एक फोटो शेअर केला आहे. या फोटोमध्ये अभिनेत्री तिचा रुमर्ड बॉयफ्रेंड राहुलसोबत ट्विनिंग केल्याची पाहायला मिळते आहे. दोघांचाही चेहरा न दाखवता त्यांचे पाय दिसतील असा फोटो काढून सोशल मीडियावर शेअर केला आहे. शिवाय फोटो सोबतच श्रद्धाने हार्ट इमोजी देत राहुलला टॅग देखील केलं आहे. त्यामुळे श्रद्धा आणि राहुलच्या नात्याबद्दल पुन्हा एकदा चर्चा सुरु झाल्या आहेत.

श्रद्धा आणि राहुल एका डिनर डेटनंतर दोघे मुंबईत एकत्र दिसले होते. दरम्यान, २०१४ पासून श्रद्धा कपूर आणि राहुल मोदी एकमेकांना डेट करत असल्याच्या चर्चा होत्या. त्याचबरोबर अनेक इव्हेंट्समध्ये ते दोघं एकत्र स्पॉट झालेत. गेल्या वर्षी श्रद्धा कपूर आणि रणबीर कपूरचा 'तू झूठी मै मक्कार' सिनेमा आला होता. या सिनेमाचा लेखक होता राहुल मोदी. आता श्रद्धा तिचं हे नातं कधी अधिकृत करते याकडे सगळ्यांचं लक्ष लागलं आहे.

---------------

हिंदुस्थान समाचार / Priyanka Bansode