रत्नागिरी, 2 डिसेंबर, (हिं. स.) : मेहनत, जिद्द आणि उत्कृष्ट क्रीडा कौशल्याच्या बळावर गोविंदरावजी निकम कृषी महाविद्यालय (मांडकी-पालवण, ता. चिपळूण) येथील 13 युवा खेळाडूंची आगामी 27 व्या महाराष्ट्र राज्य आंतरविद्यापीठ क्रीडा महोत्सवासाठी निवड झाली आहे.

नांदेड येथील स्वामी रामानंद तीर्थ मराठवाडा विद्यापीठात येत्या 4 ते 8 डिसेंबर या कालावधी ही स्पर्धा होणार आहे. त्याकरिता झालेल्या निवड चाचणीमध्ये गोविंदरावजी निकम कृषी महाविद्यालयाच्या खेळाडूंनी आठ वेगवेगळ्या क्रीडा प्रकारांमध्ये आपला ठसा उमटवला आहे. त्यामध्ये कबड्डी, खो-खो, व्हॉलीबॉल, ॲथलेटिक्स आणि बॅडमिंटन या खेळांचा समावेश आहे. राष्ट्रीय स्तरावरील महोत्सवासाठी त्यांची निवड झाली आहे.

निवड झालेल्या खेळाडूंची नावे अशी - ​आदित्य पाटील, ​शुभम कोळेकर, ​यश माने, यदनेश वामणे, ​देवराज पवार, प्रज्ञा ​गोठणकर, सोनल शिंदे, ​अमोल कोळेकर, ​वैष्णवी माने, ​ओंकार पाटील, ​प्रणव पाटील, ​आकाश वाडिया, ​आदित्य तांबेकर.

---------------

हिंदुस्थान समाचार / रत्नागिरी