परभणी, 30 डिसेंबर (हिं.स.)। महानगरपालिका निवडणूकीत राष्ट्रवादी काँग्रेस अजित पवार गट व राष्ट्रवादी काँग्रेस शरदचंद्र पवार गटाच्या आघाडीने सर्वच्या सर्व 65 जागांवर उमेदवार रिंगणात उतरविले असून त्यात शरदचंद्र पवार गटाचे 8 तर अजित पवार गटाच्या 57 उमेदवारांचा समावेश आहे.

दोन्ही राष्ट्रवादी काँग्रेस पक्षाच्या आघाडीने या महापालिका निवडणूका आघाडी करीत लढविण्याचा संकल्प जाहीर केला होता. त्या प्रमाणे आमदार राजेश विटेकर व राष्ट्रवादीचे महानगर जिल्हाध्यक्ष प्रताप देशमुख यांनी या आघाडीचा जागा वाटपाचा फॉर्मूला मंगळवारी जाहीर केला. त्यात शरदचंद्र पवार गटास एकूण 8 जागा तर अजित पवार गटाच्या हिश्यास 57 जागा आल्या आहेत. या फॉर्मूल्याप्रमाणे प्रभाग क्रमांक 1 व प्रभाग क्रमांक 9 मधील प्रत्येकी चारही जागा शरदचंद्र पवार गट लढविणार आहे. तर उर्वरित 14 प्रभागातील 57 जागा अजित पवार गट लढविणार आहे.अजित पवार गटाचे उमेदवार जाहीर... दोन्ही राष्ट्रवादी काँग्रेस पक्षाच्या या आघाडीचा जागा वाटपाचा फॉर्मूला जाहीर झाल्या पाठोपाठ महानगर जिल्हाध्यक्ष प्रताप देशमुख यांनी 57 जागांवरील उमेदवारी यादीसुध्दा जाहीर केली. त्यात प्रभाग क्रमांक 2 मधून अ गटात शे. फहाद शे. हमीद, ब मधून अतिका बेगम अब्दुल समद, क मधून चाँद सुभाना जाकेर अहेमद खान, ड मधून अलि खान मोईन खान, प्रभाग 3 अ मधून बबन मोतीराम मकासरे, ब मधून फातेमा बी शेख बाबामियाँ, क मधून शमीम बेगम चाँद खान तर ड मधून दीपक मधुकर वारकरी, प्रभाग क्रमांक 4 अ मधून क्रांती विनोद खरात, ब मधून सिंधू प्रकाश पवार, क मधून नागोराव इसनाजी काळे, ड मधून अक्षय दिलीपराव देशमुख, प्रभाग क्रमांक 5 अ मधून प्रकाश लंबिले, ब मधून मंदाकिनी रामेश्‍वर आवरंगंड, क मधून कुसूम गजानन जोगदंड, ड मधून ऐश्‍वर्य विजयराव वरपुडकर, प्रभाग 6 अ मधून आकाश लहाने, ब मधून नाजेमा बेगम शेख अब्दुल रहीम, क मधून तबस्सूम वलीम शेख, ड मधून अब्दुल कलीम अहेमद, प्रभाग 7 अ मधून सईदा सायमा सईद नजीर, ब मधून योगा शिवाजीराव मुळे, क मधून अब्दुल रहेमान अली खान, ड मधून सय्यद अतिक सय्यद अमीर, प्रभाग 8 अ मधून सुरेखा रवि थोरात, ब मधून कुसुम वसंतराव देशमुख, क मधून मो. युसूफ अन्सारी मो. अलीम, ड मधून समीर अहेमद शफीक अहेमद, प्रभाग 10 अ मधून सुनिता भगवान जगताप, ब मधून बाईनाबाई शंकरराव बुलबुले, क मधून अर्जून सुभाषराव सामाले, ड मधून विजय रावसाहेब जामकर, प्रभाग 11 अ मधून अब्दुल जावीद अब्दुल रशीद, ब मधून खमीसा नजमा बानो खमीसा जान मोहम्मद, क मधून साबेराबी शफीक खान, ड मधून शाकेर खान मोईन अहेमद खान, प्रभाग 12 अ मधून नागेश लक्ष्मणराव सोनपसारे, ब मधून अजिज नाजेमा बेगम शेख, क मधून गौरी निमाजी काकडे, ड मधून अक्षय रामेश्‍वर पाटील, प्रभाग 13 अ मधून राहुल गौतम कांबळे, ब मधून उजमा बेगम लियाकत खान, क मधून सायमा बेगम अयाजोद्दीन शेख, ड मधून विकास प्रभाकर लंगोटे, प्रभाग 14 अ मधून अखिल तरन्नुम अखील परवीन, ब मधून काझी आयेशा फातेमा काझी मोहम्मद कलिमोद्दीन, क मधून शफीसा बेगम जलालोद्दीन, ड मधून शेख अहेमद शेख हसन, प्रभाग 15 अ मधून अस्मिता अमोल वाकळे, ब मधून दिपाली कृष्णा कटारे, क मधून सिध्दांत विजयराव हाके, ड मधून शकुंतला शिवाजीराव रोडगे, ई मधून वैभव शिंदे तर प्रभाग 16 अ मधून रेखा विनोद कनकुटे, ब मधून स्नेहल विश्‍वनाथ राऊत, क मधून गफार शेख अब्दुल शेख तर ड मधून शेख कादर जानिमियॉ यांना उमेदवारी बहाल करण्यात आली आहे.

---------------

हिंदुस्थान समाचार / Chaitanya JayantRao Chitnis