वॉशिंगटन , 17 फेब्रुवारी (हिं.स.) : डोनाल्ड ट्रम्प यांनी राष्ट्राध्यक्षाची सूत्रे हाती घेताच नवीन आदेश काढले आहेत. त्यानंतर अमेरिका सरकारने १० हजार कर्मचाऱ्यांना कामावरून काढून टाकण्याचा धक्कादायक निर्णय घेतला आहे.अमेरिकेने आधीच ७५ हजार कर्मचाऱ्यांना निवृत्तीचा प्रस्ताव देत कामावरून कमी करण्याची प्रक्रिया सुरु केलेली असतानाच अन्य १० हजार कर्मचाऱ्यांना कामावरून काढून टाकण्यात आले आहे.

अमेरिकेत डोनाल्ड ट्रम्प सरकारने एक कठोर निर्णय घेतला आहे. त्यांनी ७५ हजार सरकारी कर्मचाऱ्यांना याआधीच कामावरून कमी केलें होते त्यानंतर आता आणखी १० हजार सरकारी कर्मचाऱ्यांना खासगी कंपन्यांप्रमाणे कामावरून काढून टाकले आहे. अमेरिकेच्या सरकारने शुक्रवारी(१४ फेब्रुवारी) ९५०० हून अधिक कर्मचाऱ्यांना कामावरून कमी केल्याचे कळविले आहे. ट्रम्प यांचे सल्लागार मस्क यांनी सरकारी नोकरदार कमी करण्याची मोहिम हाती घेतली आहे. काढून टाकण्यात आलेल्या कर्मचाऱ्यांमध्ये बहुतांश कर्मचारी हे जमिनीवरील व्यवस्थापन आणि माजी सैनिकांची काळजी घेण्यासारख्या सेवांशी संबंधीत होते.

यामध्ये गृह, ऊर्जा, माजी सैनिक व्यवहार, कृषी, आरोग्य आणि मानव सेवा विभागातील कर्मचाऱ्यांची नोकरी गेली आहे. ट्रम्प यांनी यासाठी प्रोबेशनरी वर्कर श्रेणीतील कर्मचाऱ्यांना निवडले आहे. या लोकांच्या नोकरीची सुरक्षा खूप कमी असते. याचाच फायदा ट्रम्प प्रशासनाने उठविला आहे. काही दिवसांपूर्वीच ट्रम्प यांनी सरकारी कर्मचाऱ्यांना स्वत:हून नोकरी सोडण्याचा प्रस्ताव दिला होता. यामध्ये आठ महिन्यांचा पगार आणि त्यांचे जे काही पीएफसह अन्य फायदे असतील ते देण्याची ऑफर दिली होती. ही ऑफर तब्बल ७५ हजार कर्मचाऱ्यांनी स्वीकारली आहे. यात आता या आणखी १० हजार जणांची भर पडली आहे.

---------------

हिंदुस्थान समाचार / Priyanka Bansode