- हिंदुस्थान समाचार समूहाच्या नवोत्थान आणि युगवर्तासह तेजस्विनी सीता पुस्तकाचे प्रकाशन

सीतामढी, ८ मे (हिं.स.) - हिंदुस्थान समाचार बहुभाषिक वृत्तसंस्थेच्या सौजन्याने बिहारमधील सीतामढी जिल्ह्यातील पुनौराधाम येथे शनिवार, १० मे रोजी सीता महोत्सवाचे आयोजन करण्यात आले आहे. या महोत्सवात बिहारचे राज्यपाल आरिफ मोहम्मद खान हे प्रमुख पाहुणे म्हणून सहभागी होतील. यावेळी ते सीता मातेचे जीवन आणि योगदानावर आपले विचार मांडतील. हिंदुस्थान समाचार समूहाचे अध्यक्ष अरविंद भालचंद्र मार्डीकर हे कार्यक्रमाच्या अध्यक्षस्थानी असतील.

राज्यपाल आरिफ मोहम्मद खान आणि इतर पाहुण्यांच्या हस्ते हिंदुस्थान समाचार समूहाची दोन मासिके, नवोत्थान आणि युगवर्ता, तसेच तेजस्विनी सीता पुस्तकाचे प्रकाशनही होईल. यावेळी पीठाधीश्वर श्री जानकी जन्मभूमी मंदिर पुनौराधामचे श्री महंत कौशल किशोर दास जी महाराज आपले आशीर्वाद देतील.

महोत्सवात प्रमुख वक्ते म्हणून सिद्धपीठ हनुमत निवास अयोध्या धामचे श्री महंत आचार्य मिथिलेशनंदिनीशरण जी महाराज, बगही धाम सीतामढीचे श्री महंत डॉ. शुकदेव दास जी महाराज आणि विशेष अतिथी म्हणून श्री पंच दशनाम जुना आखाड्याचे अनंत श्री विभूषित महामंडलेश्वर श्री मां योग योगेश्वरी यती जी यांसारखे धार्मिक आणि आध्यात्मिक विभूती उपस्थित राहतील.

या महोत्सवात उत्तर प्रदेश सरकारचे राज्य माहिती आयुक्त पदुम नारायण द्विवेदी आणि भाग्य विधाता चॅरिटेबल अँड ट्रस्ट (रजिस्ट्रेशन) चे संस्थापक अध्यक्ष राम सुरेश चौधरी, कार्यकारी अध्यक्ष संतोष सुरेश चौधरी, संचालक भास्कर झा हे देखील विशेष पाहुणे म्हणून उपस्थित राहणार आहेत.

महोत्सवात सांस्कृतिक संगीताची एक संध्याकाळ देखील आयोजित केली जाईल. बिहारचे प्रसिद्ध शास्त्रीय गायक पंडित उदय कुमार मलिक आणि भजन गायक डॉ. सुरेंद्र कनौजिया त्यांच्या संगीताने भाविक आणि श्रद्धाळूंना मंत्रमुग्ध करतील.

---------------

हिंदुस्थान समाचार / सुधांशू जोशी