जम्मू, 05 जुलै (हिं.स.) : जम्मू-काश्मीरच्या पूंछ जिल्ह्यात आज, शनिवारी सुरक्षा दलांनी दहशतवाद्यांचा अड्डा नष्ट केला. पोलिस आणि सैन्याने संयुक्तपणे सुरणकोटच्या जंगलात राबवलेल्या मोहिमेत हा अड्डा आढळून आला.

यासंदर्भातील माहितीनुसार सुरक्षा दलांनी जंगलातील या अड्ड्यातून 3 हातबॉम्ब, एके रायफलच्या 14 गोळ्या, पिस्तूलच्या 6 गोळ्या, वायर कटिंग टूल, एक चाकू, डेटा केबल कनेक्टर, 5 पेन्सिल सेल, एक लोखंडी रॉड आणि एक पेंट बॉक्स जप्त करण्यात आला. या कारवाईत कोणालाही अटक करण्यात आलेली नाही. त्याच वेळी, किश्तवार जिल्ह्यातील चतरू जंगलात दहशतवादाविरुद्धची कारवाई चौथ्या दिवशीही सुरू आहे. बुधवारी संध्याकाळी सुरू झालेल्या या कारवाईत, सुरक्षा दलांनी दहशतवाद्यांशी सामना केला आणि अनेक तास गोळीबार सुरू राहिला. अंधार, घनदाट जंगल आणि कठीण भूभागामुळे दहशतवादी पळून गेले. त्यांच्या शोधासाठी अजूनही शोध मोहीम सुरू आहे.

--------------------------------

हिंदुस्थान समाचार / मनीष कुलकर्णी