मुंबई , 14 सप्टेंबर (हिं.स.)।बॉलिवूड अभिनेता आशुतोष राणा यांनी आज, रविवारी हिंदी भाषा दिवसानिमित्त निमित्त सोशल मीडियावर हिंदी भाषेबद्दल आपलं कौतुक व्यक्त करत एक पोस्ट शेअर केली आहे. त्यांनी हिंदी भाषेला एक मार्गदर्शक शक्ती असे संबोधले आहे, जी व्यक्तिमत्त्व घडवते, सांस्कृतिक वारसा जपते आणि गौरवाची भावना निर्माण करते.

आशुतोष राणा यांनी आज आपल्या काही छायाचित्रांसह एक खास संदेश इंस्टाग्रामवर हिंदीदिवसानिमित्ताने शेअर केला. त्यांनी लिहिले, “काही व्यक्ती हिंदी बोलून हिंदीला गौरव प्राप्त करून देतात. मी त्या भाग्यवान व्यक्तींमध्ये आहे, ज्याला हिंदीने गौरव प्रदान केला. काही व्यक्तींच्या हिंदी बोलण्यामुळे हिंदीचे व्यक्तिमत्त्व खुलते. मी त्या भाग्यवानांपैकी एक आहे, ज्याचे व्यक्तिमत्त्व हिंदीने घडवले. काही विशिष्ट व्यक्तींनी हिंदीचे परीक्षण केले. मी त्यांपैकी एक आहे, ज्याचे परीक्षण हिंदीने केले.काही सिद्ध व्यक्तींनी हिंदीचे यश संपूर्ण जगात पोहोचवले. मी त्या बडभाग्यांपैकी एक आहे, ज्याला हिंदीच्या सिद्धतेमुळे प्रसिद्धी मिळाली. आई, मातृभाषा आणि मातृभूमी हे आपल्या सभ्यता, संस्कृती आणि संस्कारांचे स्रोत असतात. हे आपल्याला जगाशी भांडायला किंवा लढायला नाही, तर जगाशी जोडायला शिकवतात. म्हणूनच, यांचे ऋण कधीही फेडले जाऊ शकत नाही.”

ते पुढे लिहितात, “ही फक्त एक भाषा नाही, ही आमची आई आहे – जी आपल्याला घडवते. तिची लाज वाचेल, जेव्हा आपली लाज वाचेल. जर तुम्ही तिला सोडले, तर तुम्हीही हरवाल, जग नाही – तुम्ही स्वतःपासूनच दुरावाल. उठा, जागे व्हा, तिला स्वीकारा, प्रेम द्या तिला, तुमचा सन्मान आणि मान तिच्या पदरात टाका.मग हे फक्त तुम्ही नसाल, ही साऱ्या पृथ्वीची थरथर होईल,तुमच्या कर्मगाथा पिढ्यान्‌पिढ्या ऐकवल्या जातील. ती म्हणेल – हे आमचे अन्नदाता, ज्ञानदाता आहेत, हे आमच्या सन्मान आणि अभिमानाचे स्रोत आहेत.ती म्हणेल – हे आमचे क्लेश, दुःख, कष्टांचे भक्षक आहेत,

हे आमचे धर्मगुरू आणि धर्माचे रक्षक आहेत.”

आशुतोष राणा लवकरच ऐतिहासिक मालिकेत ‘चक्रवर्ती सम्राट पृथ्वीराज चौहान’ मध्ये ‘चंद बरदाई’ या भूमिकेत दिसणार आहेत. या मालिकेत ते निवेदक म्हणून देखील त्यांचा विशिष्ट आवाज देणार आहेत, जो मालिकेच्या कथेला अधिक प्रभावी बनवेल.

---------------

हिंदुस्थान समाचार / Priyanka Bansode