जीएसटीसह चांदीचा भाव २,०१,८८० रुपये प्रतिकिलो, तर सोने १,४७,०८४ रुपये प्रति १० ग्रॅम
जळगाव, २९ ऑक्टोबर (हिं.स.) : मध्यपूर्वेतील संघर्षाचे पडसाद जागतिक बाजारपेठेवर उमटत असताना सोने आणि चांदीच्या दरातील चढ-उतार सुरूच आहेत. जळगावच्या सराफ बाजारात गुरुवारी चांदीच्या दरात प्रतिकिलो २ हजार रुपयांची घसरण नोंदविण्यात आली, तर सोन्याचे दर स्थिर राहिले. त्यामुळे सोने-चांदी खरेदी करू इच्छिणाऱ्या ग्राहकांचे लक्ष बाजारातील दरांकडे लागले आहे.
जळगावच्या सराफ बाजारात चांदीच्या दरात झालेल्या घसरणीनंतर जीएसटीसह चांदीचा भाव २ लाख १ हजार ८८० रुपये प्रतिकिलो झाला आहे. गेल्या काही दिवसांपासून चांदीच्या दरात सातत्याने चढ-उतार होत असल्याने ग्राहकांसह सराफ व्यावसायिकांचेही बाजारातील घडामोडींकडे लक्ष आहे.
दुसरीकडे, सोन्याच्या दरात आज कोणताही बदल झालेला नाही. जीएसटीसह सोन्याचा भाव १ लाख ४७ हजार ८४ रुपये प्रति १० ग्रॅम इतका आहे. त्यामुळे चांदीच्या दरात घसरण झाली असली, तरी सोन्याचे दर स्थिर असल्याचे चित्र सराफ बाजारात दिसून येत आहे.
मध्यपूर्वेतील संघर्ष आणि जागतिक बाजारपेठेतील घडामोडींच्या पार्श्वभूमीवर मौल्यवान धातूंच्या दरात चढ-उतार होत आहेत. आगामी काळात सोने-चांदीच्या दरांमध्ये कोणते बदल होतात, याकडे ग्राहक आणि व्यापाऱ्यांचे लक्ष लागले आहे.
---------------------------
हिंदुस्थान समाचार / मनोहर कांडेकर
