नवी दिल्ली, 27 मार्च (हिं.स.)। उपराष्ट्रपती सी. पी. राधाकृष्णन शनिवारी झारखंड दौऱ्यावर येणार आहेत. पदभार स्वीकारल्यानंतरचा हा त्यांचा राज्यातील पहिला अधिकृत दौरा असून, त्यासाठी प्रशासकीय तयारी पूर्ण झाली आहे. या दौऱ्यादरम्यान, उपराष्ट्रपती सी. पी. राधाकृष्णन खुंटी जिल्ह्यातील उलिहातु गावाला भेट देतील, जिथे ते महान नेते बिरसा मुंडा यांच्या जन्मस्थानी आदरांजली अर्पण करतील. या प्रसंगी ते बिरसा मुंडा यांचे कुटुंब आणि वंशज यांची भेट घेऊन त्यांच्याशी संवादही साधतील.

त्यानंतर उपराष्ट्रपती सी. पी. राधाकृष्णन इंडियन इन्स्टिट्यूट ऑफ मॅनेजमेंट, रांचीच्या १५ व्या वार्षिक दीक्षांत समारंभाला उपस्थित राहतील. ते विद्यार्थ्यांना संबोधित करून त्यांना उज्ज्वल भविष्यासाठी प्रेरित करतील.

---------------

हिंदुस्थान समाचार / Suraj Chaugule