मुंबई, 04 मे (हिं.स.) - मुंबईतील जपानच्या महावाणिज्यदूत सातो हितोमी यांनी आज मंत्रालयात उपमुख्यमंत्री सुनेत्रा अजित पवार यांची सदिच्छा भेट घेतली. श्रीमती हितोमी यांनी नव्यानेच पदभार स्वीकारल्याबद्दल उपमुख्यमंत्री श्रीमती पवार यांनी त्यांचे अभिनंदन केले.

महाराष्ट्र-जपान संबंध अधिक दृढ करण्याच्या दृष्टीने आर्थिक भागीदारी, राज्यातील विशेषतः उत्पादन व मोटार वाहन क्षेत्रात जपानी गुंतवणूक, पर्यटन, क्रीडा व युवक कल्याण क्षेत्रातील सहकार्य, शेती विषयक तसेच अल्पसंख्याक विभागाच्या माध्यमातून सांस्कृतिक आदान-प्रदान, शैक्षणिक देवाण-घेवाण अशा विविध विषयांवर यावेळी उभयंतामध्ये चर्चा झाली.

---------------

हिंदुस्थान समाचार / सुधांशू जोशी