नवी दिल्ली , 11 सप्टेंबर (हिं.स.)।अमेरिकेतील निवडणुकीत मतदान करण्यासाठी स्वतःला अमेरिकी नागरिक असल्याचा खोटा दावा केल्याच्या आरोपावरून एका भारतीय नागरिकाविरुद्ध गुन्हा दाखल करण्यात आला आहे.
मुकेश कुमार सोमाभाई चौधरी यांच्यावर ५ नोव्हेंबर २०२४ रोजी झालेल्या सार्वत्रिक निवडणुकीत मतदान करण्यासाठी जाणीवपूर्वक अमेरिकी नागरिकत्व असल्याचा खोटा दावा केल्याचा आरोप करण्यात आला आहे.अमेरिकी न्याय विभागाने सांगितले की, मिनेसोटातील फेडरल ग्रँड ज्युरीने गुरुवारी दोन आरोप असलेले आरोपपत्र दाखल केले. त्यानुसार, चौधरी यांनी सार्वत्रिक निवडणुकीत मतदान करण्यासाठी मिनेसोटाच्या कायद्यानुसार आवश्यक असलेल्या मतदार स्वाक्षरी प्रमाणपत्रावर स्वाक्षरी केली. या प्रमाणपत्रावर स्वाक्षरी करताना त्यांना आपण अमेरिकी नागरिक असल्याची शपथ घ्यावी किंवा त्याची पुष्टी करावी लागते. मात्र, चौधरी हे अमेरिकी नागरिक नव्हते आणि मतदान करण्यासाठी त्यांनी जाणीवपूर्वक आपल्या नागरिकत्वाबाबत खोटी माहिती दिली.
न्याय विभागाच्या नागरी हक्क विभागाच्या सहाय्यक अटर्नी जनरल हरमीत ढिल्लों यांनी सांगितले, “मतदानाचा अधिकार हा अमेरिकी नागरिकत्वाचा विशेषाधिकार आहे. मतदान करण्यासाठी जाणीवपूर्वक नागरिकत्वाचा खोटा दावा करणाऱ्यांना विभाग कायद्यानुसार जबाबदार धरेल.”
---------------
हिंदुस्थान समाचार / Priyanka Bansode
