नवी दिल्ली , 12 ऑक्टोबर (हिं.स.)।अफगानिस्तानचे परराष्ट्र मंत्री मौलवी आमिर खान मुत्ताकी यांचा आग्र्याचा दौरा रद्द करण्यात आला आहे. डीसीपी सिटी सोनम कुमार यांनी माहिती दिली की, त्यांचा आग्र्यात येण्याचा कार्यक्रम रद्द करण्यात आला आहे. त्यानंतर नवीन कार्यक्रमाबाबत अद्याप कोणतीही माहिती समोर आलेली नाही.

परराष्ट्र मंत्री मौलवी आमिर खान मुत्ताकी रविवारी सकाळी आग्र्यात येणार होते. त्यांच्या आग्र्याच्या दौऱ्याच्या पार्श्वभूमीवर पोलिस आणि प्रशासन अत्यंत दक्षतेने तयारी करत होते. सहारनपूर येथील हिंसाचारानंतर अफगान परराष्ट्र मंत्र्यांच्या ताजमहाल भेटीदरम्यान सुरक्षा व्यवस्था अधिक कडक करण्यात आली होती. मोठ्या प्रमाणावर पोलिस दल तैनात करण्यात आले होते.

शहरातील मुफ्ती मजीद रूमी यांच्या नेतृत्वाखाली मुस्लिम प्रतिनिधीमंडळाने अफगान परराष्ट्र मंत्र्यांची भेट घेण्याची इच्छा व्यक्त केली होती, मात्र प्रशासनाने कोणालाही भेटीची परवानगी दिली नव्हती. जिल्हा प्रशासनानुसार, रविवारी सकाळी 9 वाजता मौलवी आमिर खान मुत्ताकी देवबंदहून शिल्पग्राम येथे पोहोचणार होते. सकाळी 11 ते 12 वाजेपर्यंत ताजमहाल पाहण्याचा कार्यक्रम होता. मात्र शेवटच्या क्षणी त्यांचा दौरा रविवारी रद्द करण्यात आला.

---------------

हिंदुस्थान समाचार / Priyanka Bansode