नाशिक, 17 ऑक्टोबर (हिं.स.)।
- सेंट्रल हिंदू मिलिटरी एज्युकेशन सोसायटी संचलित भोसला मिलिटरी स्कूलने १४ वर्ष वयोगटाखालील आंतरशालेय हॉकी स्पर्धेत नंदुरबार संघावर १-० ने मात करत विजय नोंदवला. या संघाची राज्यस्तरीय हॉकी स्पर्धेसाठी निवड झाली आहे.
चुरशीच्या अंतिम सामन्यात भोसला च्या खेळाडूंनी संघभावना, शिस्त आणि उत्कृष्ट
खेळकौशल्याचे प्रदर्शन करत हा सामना जिंकला. या चुरशीच्या सामन्यात भोसला संघाने १–० असा निर्णायक विजय नोंदवत विजेतेपद पटकावले. या विजयी संघात अमृत काटकार, दक्ष जोशी, व्हिक्टर मलेला, आकाश शिरसाठ , रेयांश तुनतुने,कविश मांडवकर,आयुष सातपुते, कृषांग माळी, अर्णव माईन, प्रसाद पाटील, अनुज पाटील आणि मनीष पवार या सर्व खेळाडूंनी उत्कृष्ट कामगिरी नोंदवली. सामन्यातील सहभागी विद्यार्थ्यांनी शालेय सहलीला न जाता, शाळेत राहून सतत सराव करत या यशाला गवसणी घातली. या यशाबद्दल संस्थेच्या सर्व पदाधिकाऱ्यांनी तसेच शालेय समितीचे अध्यक्ष श्री.आनंद देशपांडे, समादेशक कर्नल संदीप पुरी
(नि)प्राचार्य मेजर विक्रांत कावळे, प्रशासकीय संचालक पी के पांडे आदींनी अभिनंदन करत शुभेच्छा दिल्या
---------------
हिंदुस्थान समाचार / GOSAVI CHANDRASHEKHAR SUKDEV
