नांदेड, 13 नोव्हेंबर, (हिं.स.)। नांदेडमध्ये सहायक पशुधन विकास अधिकारी व पशुधन पर्यवेक्षकांचे एकदिवसीय प्रशिक्षण संपन्न झाले. या महत्त्वपूर्ण कार्यक्रमात जिल्ह्यातील शंभर (१००) हून अधिक अधिकारी व पर्यवेक्षकांनी सहभाग नोंदवला.

यावेळी कृषि विज्ञान केंद्राचे विषय विशेषज्ञ डॉ. निहाल मुल्ला यांनी अत्यंत महत्त्वाच्या विषयावर मार्गदर्शन केले. त्यांनी “कार्यरत अश्ववर्गीय प्राण्यांमधील आरोग्य समस्या व त्यांचे व्यवस्थापन, व्यावहारिक मार्गदर्शन” या विषयावर सखोल माहिती दिली, ज्यामुळे उपस्थित कर्मचाऱ्यांच्या ज्ञानात भर पडली. प्रशिक्षणाची सांगता केवळ सैद्धांतिक माहितीवर न थांबता, प्रात्यक्षिक सादर करून करण्यात आली, ज्यामुळे अधिकाऱ्यांना नवीन कौशल्ये प्रत्यक्ष आत्मसात करता आली. पशुधनाच्या आरोग्यासाठी आणि चांगल्या व्यवस्थापनासाठी हा प्रशिक्षण कार्यक्रम खूपच उपयुक्त ठरला.

हिंदुस्थान समाचार / Sangita Hanumant Rao Chitanis