वेलिंग्टन, 13 नोव्हेंबर (हिं.स.) पाचव्या टी-२० आंतरराष्ट्रीय क्रिकेट सामन्यात न्यूझीलंडने वेस्ट इंडिजचा आठ विकेट्सनी पराभव करत मालिका ३-१ अशी जिंकली. जेकब डफीने ३५ धावांत चार विकेट्स घेतल्या. डफीने तिसऱ्या षटकात तीन विकेट्स घेतल्या, ज्यामुळे प्रथम फलंदाजी करताना वेस्ट इंडिजची धावसंख्या ४ बाद २१ अशी झाली.
त्यानंतर डफीने २२ चेंडूंत ३६ धावा काढणाऱ्या धोकादायक रोमारियो शेफर्डला बाद केले. अशाप्रकारे, वेस्ट इंडिजचा संघ १८.४ षटकांत १४० धावांत सर्वबाद झाला. रोस्टन चेसने सर्वाधिक ३८ धावा काढल्या. न्यूझीलंडने १५.४ षटकांत दोन विकेट गमावून १४१ धावा काढल्या.
न्यूझीलंडचा सलामीवीर डेव्हॉन कॉनवेने पहिल्या विकेटसाठी नाबाद ४७ धावा काढल्या. त्याने २४ चेंडूंत ४५ धावा काढणाऱ्या टिम रॉबिन्सनसोबत पहिल्या विकेटसाठी ६९ धावांची भागीदारी केली. त्यानंतर कॉनवेने रचिन रवींद्र (२१) सोबत ३७ आणि मार्क चॅपमन (नाबाद २१) सोबत ३५ धावांच्या दोन महत्त्वाच्या भागीदारी केल्या ज्यामुळे संघाला लक्ष्य सहज गाठता आले.
वेस्ट इंडिजने पहिला सामना सात धावांनी जिंकला. दुसरा सामना न्यूझीलंडने तीन धावांनी आणि तिसरा सामना नऊ धावांनी जिंकला. चौथा सामना सोमवारी पावसामुळे रद्द करण्यात आला. दोन्ही संघ आता तीन सामन्यांची एकदिवसीय मालिका खेळतील, ज्यातील पहिला सामना रविवारी क्राइस्टचर्चमधील हेगली ओव्हल येथे खेळला जाईल.
---------------
हिंदुस्थान समाचार / वृषाली देशपांडे
