लातूर, 22 नोव्हेंबर (हिं.स.)। उदगीर येथील सोयाबीन खरेदी केंद्राचे उद्घाटन भगवान पाटील तळेगावकर यांच्या हस्ते संपन्न झाले.

स्व. रामचंद्रराव पाटील तळेगावकर सहकारी खरेदी विक्री संघात संस्थेचे मार्गदर्शक तथा लातूर जिल्हा मध्यवर्ती सह. बँकेचे संचालक श्री. भगवानदादा पाटील तळेगावकर यांच्या हस्ते खरेदी केंद्रावरील काट्याचे पूजन करून उद्घाटन करण्यात आले. त्यानंतर प्रथम क्रमांकाने नोंदणी केलेले शेतकरी पुंडलीक नामदेवराव जाधव रा. कोदळी ता. उदगीर यांचा भगवानदादा पाटील तळेगावकर यांच्या हस्ते सत्कार करण्यात आला.

यावेळी खरेदी विक्री संघाचे चेअरमन, भरत तुकाराम चामले, संचालक किशनराव बापुराव हारमुंजे, बाबासाहेब काळेपाटील, वसंतराव सोनकांबळे, तसेच सतीश बिरादार कोनाळी, विजयकुमार येडले, युवराज कांडगीरे, कृषी उत्पन्न बाजार समितीचे कर्मचारी व संस्थेचे सर्व कर्मचारी उपस्थित होते.

---------------

हिंदुस्थान समाचार / Mahesh Madanrao Chitnis