बीड, 23 नोव्हेंबर, (हिं.स.)।आज भारतीय जनता पार्टी जिल्हा कार्यालयात नगराध्यक्ष पदाच्या उमेदवार डॅा ज्योतीताई घुमरे ॲड. सर्जेराव तात्या तांदळे, नवनाथ आण्णा शिराळे, शहराध्यक्ष अशोक लोढा, यांच्या प्रमुख उपस्थितीत नगरपरिषद निवडणूक संदर्भात पदाधिकाऱ्यांची नियोजन बैठक घेण्यात आली.

यावेळी सर्व कार्यकर्त्यांना प्रभाग निहाय जबाबदारी देण्यात आली व प्रचार कार्यकर्त्यांनी डोअर टू डोअर फिरून सरकारची जनसामान्य लोकांसाठी राबवलेली विकास कामे, बीड नगर परिषदेच्या माध्यमातून स्वच्छता, लाईट, पाणी, पार्किंग, महिला सुविधा, आदीसह सबका साथ, सबका विकास हे नरेंद्र मोदींचे स्वप्न हाती घेऊन, बीड नगरपरिषदेवर भाजपाचा झेंडा फडकावण्यासाठी सर्वांनी ताकतीने काम करावे असे आवाहन करण्यात केले.

बीडच्या जनतेने नगरपरिषदेवर भाजपचा झेंडा फडकवण्याचा निश्चय केला आहे..कार्यकर्त्यांनी ताकदीने कामालागण्याचे आवाहन राज्य परिषदेचे सदस्य सर्जेराव तांदळे यांनी केले .बीड नगराध्यक्ष पदाच्या उमेदवार डॅा ज्योतीताई घुमरे यांचा जिल्हा भाजपचेवतीने सत्कार करण्यात आला.

यावेळी प्रा. देविदास नागरगोजे, गणेशजी लांडे, पालसिंगणकर काका, डॉक्टर अभय वनवे, शांतिनाथ डोरले, सलीमजी जहागीर यांच्यासह भाजपा पदाधिकारी, कार्यकर्ते उपस्थित होते.

---------------

हिंदुस्थान समाचार / Aparna Chitnis