छत्रपती संभाजीनगर, 19 डिसेंबर (हिं.स.)।भारतीय जनता पार्टी कार्यालयात छत्रपती संभाजीनगर महानगरपालिका निवडणूक २०२५ च्या पार्श्वभूमीवर प्रभाग क्र.२४ आणि २५ मधील इच्छुक उमेदवारांच्या मुलाखती घेण्यात आल्या. आमदार अनुराधा चव्हाण यांच्या उपस्थितीत या मुलाखती घेण्यात आल्या.

या संदर्भात आमदार चव्हाण यांनी सांगितले की,जनतेला आपला नगरसेवक हक्काचा वाटावा, आपल्यातलाच वाटावा आणि आपुलकीने जनतेचे प्रश्न समजून घेत ते सोडवावेत, अशा उमेदवारांच्या निवडीवर विशेष भर देण्यात येत आहे!!मलाही माझी मुलाखत प्रक्रिया आठवते.. जिल्हा परिषद आणि आमदारकीच्या निवडणुकांच्या वेळी अशीच संवादात्मक आणि सखोल प्रक्रिया होत असे.. पण मनात प्रामाणिक जनसेवेची तयारी असेल तर ही प्रक्रिया सहज आणि आत्मविश्वास देणारी ठरते..

आज अनेक कार्यकर्ते आणि इच्छुक उमेदवार प्रामाणिक भावनेतून, जनतेसाठी काम करण्याच्या ठाम निर्धाराने अशा मुलाखती देत आहेत. या प्रक्रियेद्वारे जनतेशी नाळ जोडलेले, कार्यक्षम आणि शहराच्या सर्वांगीण विकासासाठी कटिबद्ध उमेदवारांची निवड करण्याला प्राधान्य दिले जात आहे..

यावेळी भाजपा ज्येष्ठ नेते, माजी महापौर श्री.बापू घडामोडे यांची उपस्थिती होती..

---------------

हिंदुस्थान समाचार / Hanumant Madanrao Chitnis