पुणे, 20 डिसेंबर, (हिं.स.)। प्रभावी कीर्तनाच्या माध्यमातून अंधश्रद्धा आणि अस्वछता यांनी बुरसटलेल्या समाजाला जागृत करण्याचे कार्य करणारे थोर आधुनिक संत व समाजसुधारक राष्ट्रसंत गाडगेबाबा यांना सावित्रीबाई फुले पुणे विद्यापीठात पुण्यतिथीनिमित्त अभिवादन करण्यात आले.

यावेळी प्र - कुलगुरू प्रा. (डॉ.) पराग काळकर आणि संचालक व विभागप्रमुख प्रा. (डॉ.) विलास आढाव यांनी गाडगे महाराज यांच्या प्रतिमेस पुष्पहार अर्पण करुन त्यांना आदरांजली अर्पण केली.

याप्रसंगी विविध शैक्षणिक व प्रशासकीय विभागांचे विभागप्रमुख शिक्षक, शिक्षकेतर सेवक आणि विद्यार्थी उपस्थित होते.

---------------

हिंदुस्थान समाचार / भूषण राजगुरु