छत्रपती संभाजीनगर, 27 डिसेंबर, (हिं.स.)। छत्रपती संभाजीनगर येथे क्रांती चौक ते गुलमंडी येथे भव्य मशाल रॅलीचे आयोजन करण्यात आले होते. या मोर्चाचे नेतृत्व युवासेनाप्रमुख, शिवसेना नेते, आमदार आदित्य ठाकरे यांनी केले.

छत्रपती संभाजीनगर शहराचा विकास नेमका कोणत्या दिशेने चाललाय? हा जाब विचारण्यासाठी आणि इथल्या स्थानिकांच्या समस्या प्रकाशझोतात आणण्यासाठी प्रत्येकजण मशाल घेऊन ह्या मोर्च्यात सहभागी झाला.

छत्रपती संभाजीनगर महानगरपालिकेच्या निवडणूक प्रचाराच्या पार्श्वभूमीवर क्रांती चौक ते गुलमंडी दरम्यान मशाल यात्रा काढण्यात आली. युवासेनाप्रमुख तथा आमदार आदित्य ठाकरे यांच्या प्रमुख उपस्थितीत ही यात्रा पार पडली.

खऱ्या शिवसेनेची ताकद दाखवत शहराच्या काना-कोपऱ्यातील शिवसैनिक, पदाधिकारी,नागरिकांनी यात सहभागी होत, मशालीचा प्रकाश पोहोचवण्याचा हा निर्धार आहे. गद्दारांना त्यांची जागा दाखवून देण्यासाठी आणि शिवसेनेचा खरा आवाज बुलंद करण्यासाठी ही मशाल यात्रा आयोजित करण्यात आली.

ह्यावेळी शिवसेना नेते चंद्रकांत खैरे, शिवसेना नेते अंबादास दानवे, शिवसेना उपनेते विनोद घोसाळकर तसेच इतर पदाधिकारी आणि पदाधिकारी उपस्थित होते.

---------------

हिंदुस्थान समाचार / Hanumant Madanrao Chitnis