मुंबई, 5 डिसेंबर (हिं.स.)।भारत आणि दक्षिण आफ्रिकामधील दुसऱ्या वनडे सामन्यादरम्यान रोहित शर्मा आणि ऋषभ पंत यांच्यात घडलेला एक गोडसा क्षण कॅमेऱ्यात कैद झाला होता. या वेळी हिटमॅन रोहित यांच्या पापण्यांवरील एक केस निघून आला होता, जो पंतने त्यांना दिला आणि रोहितने इच्छा व्यक्त करून तो केस हवेत उडवला. या क्षणाचा व्हिडिओ सोशल मीडियावर व्हायरल झाल्यानंतर सर्वांच्या मनात एकच प्रश्न होता—रोहितने अशी कोणती विश मागितली असेल? याचे उत्तर त्यांच्या जिवलग मित्र आणि भारतीय संघाचे माजी सहाय्यक प्रशिक्षक अभिषेक नायर यांनी दिले.

या क्यूट मोमेंटविषयी बोलताना नायर म्हणाले, “मी एका शोमध्ये सांगितले होते की रोहितच्या दोनच खऱ्या इच्छा आहेत—एक अगदी स्पष्ट आहे, 2027 चा विश्वकप जिंकण्याची… आणि दुसरी, लगेचच्या पुढच्या सामन्यात शतक झळकावण्याची.” कर्णधार म्हणून रोहित 2023 मध्ये विश्वकप जिंकण्यापासून थोडक्यात दूर राहिले होते. अहमदाबादमध्ये झालेल्या अंतिम सामन्यात ऑस्ट्रेलियाने भारताचा पराभव करून त्यांची प्रतीक्षा आणखी वाढवली होती.

वनडे विश्वकप 2027 ला अजून वेळ आहे, आणि रोहित शर्मा सध्या उत्कृष्ट फॉर्ममध्ये आहेत. दक्षिण आफ्रिकेविरुद्धच्या मागील दोन वनडे सामन्यांत त्यांनी अनुक्रमे 57 (पहिला सामना) आणि 14 (दुसरा सामना) धावा केल्या. सध्या त्यांचे लक्ष 2027 च्या वनडे विश्वकपवर केंद्रीत आहे.

---------------

हिंदुस्थान समाचार / Priyanka Bansode