रत्नागिरी, 27 सप्टेंबर, (हिं. स.) : रत्नागिरी शहर ज्येष्ठ नागरिक संघाचा यावर्षीचा ज्येष्ठ नागरिक दिनाचा कार्यक्रम १ ऑक्टोबरऐवजी १३ ऑक्टोबर रोजी होणार आहे.

दरवर्षी 1 ऑक्टोबरला ज्येष्ठ नागरिक दिन साजरा केला जातो. त्या दिवसाचे औचित्य साधून संघाच्या सभासदांचा सत्कार केला जातो. त्याप्रमाणे सर्व संबंधित ज्येष्ठ सभासदांना निमंत्रण पाठवले आहे. तथापि हवामान विभागाने वर्तवलेला 26 ते 30 सप्टेंबरपर्यंतचा अतिवृष्टीचा अंदाज आणि त्या संदर्भात जिल्हा प्रशासनाने दिलेल्या दक्षतेचा इशारा विचारात घेता 1 ऑक्टोबरच्या कार्यक्रमाला ज्येष्ठ आणि ज्येष्ठतम सभासदांना उपस्थित राहणे त्रासदायक होऊ शकते. हवामानातील अनपेक्षित बदलाचा विचार करून 1 ऑक्टोबरचा नियोजित कार्यक्रम स्थगित करून हाच कार्यक्रम रत्नागिरी शहर ज्येष्ठ नागरिक संघाच्या वर्धापन दिनी म्हणजेच 13 ऑक्टोबर 2025 रोजी संघाच्या शिवाजीनगर येथील सभागृहात दुपारी 4.00 वाजता होणार आहे.

संघाच्या सर्व सभासदांनी कार्यक्रमाच्या तारखेतील बदलाची नोंद घेऊन संघाला सहकार्य करावे, असे आवाहन संघाच्या कार्यकारिणीतर्फे अध्यक्ष सुभाष थरवळ यांनी केले आहे.

---------------

हिंदुस्थान समाचार / रत्नागिरी